भाचा पृथ्वीराजसोबत कंगना राणौतची बाँडिंग; शेअर केला क्युट फोटो!

ब�

��लिवूडची कॉन्ट्रोव्हर्सी क्वीन असलेली अभिनेत्री कंगना राणौत ही कायम कोणत्या ना कोणत्या कारणाने चर्चेत असलेली आपण पाहतो. आता तुम्ही म्हणाल आता असं काय झालं की, तिची चर्चा होत आहे. तिने नुकताच तिची बहीण रंगोलीचा मुलगा अर्थात तिचा भाचा पृथ्वीराजसोबतचा एक फोटो सोशल नेटवर्किंग साईटवर शेअर केला आहे. या फोटोत तिच्या मेकअपमनने पृथ्वीराजला कडेवर उचलून घेतले आहे आणि कंगना त्याचे हसून लाड पुरविताना दिसत आहे. त्यांचा हा क्युट बाँडिंग असलेला फोटो सोशल मीडियावर व्हायरल होत आहे. 



कंगना राणौत सध्या बिकानेरमध्ये ‘मणिकर्णिका : द क्वीन आॅफ झांसी’ या आपल्या आगामी चित्रपटात बिझी आहे. हा चित्रपट अनेक कारणांनी वादात राहिलेला आहे. कंगनाला आपला लूक लीक व्हावा, असे वाटत होते. याला कारण होते, दीपिका पादुकोण. दीपिकाचा ‘पद्मावत’ मधील लूक आणि ‘घूमर’ हे गाणे सोशल मीडियावर तुफान गाजत होते. शिवाय दीपिकाच्या राणी पद्मावतीमधील लूकची जोरदार प्रशंसा सुरू होती. दीपिकाच्या या प्रशंसेनंतर असुरक्षिततेच्या भावनेतून कंगनाने म्हणे, जाणीवपूर्वक ‘मणिकर्णिका’च्या सेटवरचे फोटो लीक केले होते. राणी लक्ष्मीबाईच्या लूकमध्ये कंगना कमालीची जमून आलीयं.  



‘मणिकर्णिका’ नंतर कंगना स्वत: दिग्दर्शन करणार आहे. ‘तेजू’ हा चित्रपट कंगना स्वत: दिग्दर्शित करणार आहे. या चित्रपटात कंगना एका वृद्ध महिलेची भूमिका साकारताना दिसणार आहे. याशिवाय आणखी एका चित्रपटात कंगना एका म्हाताऱ्या महिलेच्या भूमिकेत दिसणार आहे. ‘मिस्टर इंडिया’ सारखा आयकॉलिक चित्रपट साकारणारे दिग्दर्शक शेखर कपूर हा चित्रपट दिग्दर्शित करणार आहे. ‘मासूम’, ‘बँडिट क्वीन’ ,‘एलिझाबेथ’ सारखे चित्रपट बनवणाऱ्या शेखर कपूर यांनी अलीकडे एका कार्यक्रमात हा खुलासा केला. कंगनाला डोळ्यांपुढे ठेवून मी एक कथा लिहित आहे. ही कथा सर्वोत्तम कथांपैकी एक असेल. यात कंगना ८५ वर्षांच्या वृद्धेची भूमिका साकारताना दिसेल.