Lock Upp Trailer : ‘पंगा क्वीन’ कंगना राणौतच्या ‘लॉक अप’चा ट्रेलर पाहिलात का?

Lock Upp Trailer : आपल्या वक्तव्यांनी रोज नवा वाद ओढवून घेणारी अभिनेत्री कंगना राणौत लवकरच ‘लॉक अप’ हा रिअ‍ॅलिटी शो होस्ट करताना दिसणार आहे.   नुकताच शोचा ट्रेलर प्रदर्शित झाला.

LockUpp Trailer : आपल्या वक्तव्यांनी रोज नवा वाद ओढवून घेणारी अभिनेत्री कंगना राणौत (Kangana Ranaut) लवकरच ‘लॉक अप’ हा रिअ‍ॅलिटी शो होस्ट करताना दिसणार आहे.   एकता कपूरच्या बहुप्रतिक्षीत शोचा नुकताच ट्रेलर प्रदर्शित झाला आणि साहजिकच सोशल मीडियावर या ट्रेलरची जोरदार चर्चा आहे.

एकता कपूर आणि कंगनाने तिच्या इन्स्टाग्राम अकाऊंटवर शोचा ट्रेलर शेअर केला आहे. या आगळ्यावेगळ्या  शोमध्ये 16 वादग्रस्त सेलिब्रिटी असणार आहेत.  या सेलिब्रिटींना 72 दिवस लॉकअपमध्ये ठेवण्यात येणार आहे.  या काळात त्यांना कोणत्याही सोईसुविधा दिल्या जाणारा नाही. उलट त्यांना अशा व्यक्तीसोबत लॉकअपमध्ये ठेवण्यात येईल ज्यांच्यासोबत ते एक मिनिटही राहू शकत नाही. शोमध्ये सेफ राहायचं तर या सेलिब्रिटी त्यांचे डार्क सीक्रेट्स जगासमोर सांगावे लागणार आहेत. शो बराच बोल्ड असणार, हे शोचा ट्रेलर पाहिल्यानंतर स्पष्ट होतंय. आता कंगनाचा हा शो प्रेक्षकांना किती भावतो, ते बघूच.

येत्या 27 तारखेपासून ALTBalaji आणि MX Player वर हा शो  लाइव्ह स्ट्रीम होणार आहे. या शोमध्ये जाणारे 16 सेलिब्रिटी कोण हे अद्याप स्पष्ट झालेले नाही. लवकरच त्यांच्या नावाचाही खुलासा होईलच.
 दरम्यान कंगनाचा हा शो पाहण्यास काही लोक उत्सुक आहेत. तर काहींनी या शोचा ट्रेलर पाहून नाक मुरडलं आहे. अनेकांनी या शोला ‘सस्ता बिग बॉस’ म्हणत टीका केली आहे.

कंगना रनौत आणि एकता कपूर या दोघींनी ‘शूट आऊट वडाळा’मध्ये एकत्र काम केलं होतं. त्यानंतरचा ‘जजमेंटल है क्या’ हा सिनेमा  चालला नाही पण त्यामुळे कंगना-एकताची मैत्री घट्ट झाली.