वैजनाथ मंदिरात मुलींनी घातले वेस्टर्न कपडे, कंगना रणौत भडकली; म्हणाली, "या मूर्ख..."

हिमाचल प्रदेशच्या प्रसिद्ध वैजनाथ मंदिराचं दृश्य आहे.

अभिनेत्री कंगना रणौत (Kangana Ranaut) सोशल मीडियावरुन अनेकांची कानउघाडणी करत असते. समोर कोणीही असो ती सडेतोड तिचं म्हणणं मांडत असते. बॉलिवूडचीही पोलखोल तिने केली आहे. अनेकदा ती तिच्या वक्तव्यांमुळे ट्रोलही होते. आता नुकतेच कंगनाने ट्विटरवरुन एका मुलीला झापलं आहे. मंदिरात वेस्टर्न कपडे घालण्यावरुन तिने कानउघाडणी केली आहे.

निखी उनियाल या ट्विटर हँडलवरुन त्याने वैजनाथ मंदिराचा फोटो पोस्ट केला आहे. या फोटोत एका मुलीने शॉर्टस आणि स्लीव्हलेस क्रॉप टॉप घातला आहे. त्याने लिहिले, "हे हिमाचल प्रदेशच्या प्रसिद्ध वैजनाथ मंदिराचं दृश्य आहे. मंदिरात असे आले आहेत जसे काय कोणत्या पब किंवा नाईट क्लबमध्ये गेले आहेत. अशा लोकांना मंदिरात येण्याची परवानगीच नाही दिली पाहिजे. मी याचा तीव्र विरोध करतो. हे वाचून तुम्ही मला कितीही छोट्या किंवा घाणेरड्या विचाराचा समजलात तरी मला ते मान्य असेल."

ये दृश्य है हिमाचल के प्रसिद्ध शिव मंदिर बैजनाथ का।बैजनाथ मंदिर में ऐसे पहुंचे हैं जैसे किसी पब या नाइटक्लब में गये हों ऐसे लोगों मंदिर में घुसने की अनुमति नहीं दी जानी चाहिए।मैं इसका कड़ा विरोध करता हूं
मेरी सोच को अगर ये सब देख कर छोटा या घटिया कहा जाता है तो भी मंजूर है ! pic.twitter.com/cdxrmobZqf

— Nikhi Uniyal (@NikhileshUniyal) May 25, 2023

हेच ट्वीट रिट्वीट करत कंगना म्हणाली, "हे वेस्टर्न कपडे आहेत जे इंग्रजांनी बनवले आहेत आणि प्रमोट केले आहेत. एक दिवस मी व्हॅटिकनमध्ये होते आणि मी शॉर्ट्स घातले होते. मला त्या परिसरात प्रवेशच घेऊ दिला नाही. मला हॉटेलमध्ये जाऊन कपडे बदलावे लागले. कॅज्युअलसारखे हे लोक नाईट ड्रेसेस घालून आहेत त्यांचा हेतू भलेही वाईट नसेल पण अशा मुर्खांसाठी कडक नियम असायला हवेत."

These are western clothes, invented and promoted by white people, I was once at the Vatican wearing shorts and t shirt, I wasn’t even allowed in the premises, I had to go back to my hotel and change…. These clowns who wear night dresses like they are casuals are nothing but lazy… https://t.co/EtPssi3ZZj

— Kangana Ranaut (@KanganaTeam) May 26, 2023

कंगना मनालीची आहे. ती नेहमीच सोशल मीडियावर हिमाचल प्रदेशची संस्कृती  प्रमोट करताना दिसते. नुकतीच तिने हरिद्वारच्या तिच्या ट्रिपची झलक दाखवली. कंगना लवकरच 'इमर्जन्सी' सिनेमात दिसणार आहे. त्यात तिने माजी पंतप्रधान इंदिरा गांधींची भूमिका साकारली आहे.