​कपिल शर्माला लागली हॉलिवूडची लॉटरी! लवकरच करणार अमेरिकेची वारी!!

क�

��मेडी किंग कपिल शर्मा याची झोळी सध्या आनंदाने भरलेली दिसतेय.   एकीकडे ‘फिरंगी’चा प्रोमो लोकांना चांगलाच भावतोयं. दुसरीकडे कपिलला हॉलिवूडची लॉटरी लागल्याची खबर आहे. होय, कपिल लवकरच हॉलिवूड डेब्यू करणार असल्याची चर्चा आहे. चर्चा खरी मानाल तर, कपिलला ‘बिग मामा वर्क्स’कडून आॅफर मिळाली आहे. कपिलने ही आॅफर स्वीकारलीच तर ‘कॉमेडी करी’ या हॉलिवूड सीरिजमध्ये कपिल दिसू शकतो. सूत्रांनी दिलेल्या माहितीनुसार, कपिलने अद्याप हा प्रोजेक्ट साईन केलेला नाही. अर्थात हा प्रोजेक्ट साईन करण्यासाठी कपिल लवकरच अमेरिकेचा दौरा करू शकतो. ‘फिरंगी’चे दिग्दर्शक राजीव ढिंगराने याबद्दलचे अप्रत्यक्ष संकेत दिली आहे. ही एक सीरिज असेल. यात हॉलिवूड स्टार्ससोबत काही भारतीय कलाकारही असतील, असे त्यांनी सांगितले.

तूर्तास कपिल शर्मा ‘फिरंगी’च्या प्रमोशनमध्ये बिझी आहे. आधी हा चित्रपट २४ नोव्हेंबरला रिलीज होणार होता. पण आता हा चित्रपट १ डिसेंबरला रिलीज होणार आहे. ‘फिरंगी’ हा कपिलचा दुसरा चित्रपट आहे. याआधी २०१५ मध्ये कपिलचा ‘किस किस को प्यार करूं’ हा चित्रपट रिलीज झाला होता.  ‘फिरंगी’मध्ये प्रेमाचा एक कोणही आहे. कपिल शर्मा एका देशी मुलीच्या प्रेमात पडतो. पण ही मुलगी पुढे इंग्रजी भाषेच्या प्रेमात पडते. आपले प्रेम मिळवण्याच्या नादात कपिल इंग्रजी राजवटीविरोधात मैदानात उतरतो, असे या चित्रपटाचे कथानक असल्याचे कळतेय. या चित्रपटात दोन नायिका आहेत. एक तनुश्री दत्ताची बहीण इशिता दत्ता आणि दुसरी मोनिका गिल. 

ALSO READ : ​‘त्या’ दिवशी कपिल शर्माने केला होता आत्महत्येचा विचार!

गत काळात कपिल बराच वादात सापडला होता. यामुळे टेलिव्हिजनवरील त्याच्या लोकप्रीयतेला ओहोटी लागली. त्याचा अव्वल कॉमेडी शो बंद झाला. अनेकांची नाराजी त्याने ओढवून घेतली. तब्येतीच्या अनेक तक्रारी त्याच्या मागे लागल्या. पण कदाचित कपिल यातून बाहेर पडू लागलाय. हॉलिवूडची संधी त्याने कॅश केलीच तर कपिल त्यातून ब-यापैकी बाहेर पडला, असे समजण्यात हरकत नसावी.