आलिया भट 'जिगरा' तून येणार प्रेक्षकांच्या भेटीला, करण जोहरने केली नव्या चित्रपटाची घोषणा
By ऑनलाइन लोकमत | Published: September 26, 2023 02:39 PM2023-09-26T14:39:05+5:302023-09-26T14:39:54+5:30
'रॉकी और रानी की प्रेम कहानी' हिट झाल्यानंतर आलियाचा 'जिगरा' हा चित्रपट प्रेक्षकांच्या भेटीला येणार आहे.
Alia Bhat
Next बॉलिवूड अभिनेत्री आलिया भट्ट प्रत्येक वेळी आपल्या अभिनयाने चाहत्यांना वेड लावते. 'रॉकी और रानी की प्रेम कहानी' हिट झाल्यानंतर आलियाचा आणखी एक चित्रपट प्रेक्षकांच्या भेटीला येणार आहे. 'जिगरा' असे या चित्रपटाचे नाव आहे. या चित्रपटातील तिचा फर्स्ट लूकही समोर आला आहे. या चित्रपटात करण जोहर आणि आलिया भट्ट पुन्हा एकदा एकत्र काम करणार आहेत. दोघे मिळून चित्रपटाची निर्मिती करणार आहेत. तर वासन बाला या चित्रपटाचे दिग्दर्शन करत आहेत.
आलिया भट्टने सोशल मीडियावर पोस्ट शेअर केली आहे. व्हॉईस ओव्हरसोबत आलियाचा लूक व्हिडिओमध्ये दाखवण्यात आला आहे. आलियाने लिहलं की, "धर्मा प्रॉडक्शनमधून पदार्पण करण्यापासून ते त्यांच्यासोबत एका चित्रपटाची निर्मिती करण्यापर्यंत... मी जिथून सुरुवात केली आता पुन्हा तिथेच आले. पूर्ण वर्तुळ पुर्ण झाल्यासारखं वाटत आहे. प्रत्येक दिवस वेगळा असतो… रोमांचक, आव्हानात्मक असतो. फक्त एक अभिनेता म्हणून नाही, तर एक निर्माता म्हणून हा चित्रपट जिवंत करण्याचा प्रयत्न केला. हा चित्रपट तुमच्यासोबत शेअर करण्यास मी खूप उत्सुक आहे".
जिगरा 27 सप्टेंबर 2024 रोजी थिएटरमध्ये प्रदर्शित होणार आहे. या चित्रपटात आलिया भट्ट केवळ जिगरामध्ये काम करणार नाही, तर त्याची निर्मितीही करणार आहे. करण जोहरच्या धर्मा प्रॉडक्शनच्या सहकार्याने ती याची निर्मिती करणार आहे. तिचा डार्लिंग्स हा चित्रपटही आलियाच्या प्रोडक्शन हाऊस इटर्नल सनशाइन्स अंतर्गत बनला होता. जो OTT प्लॅटफॉर्मवर रिलीज झाला होता. वर्क फ्रंटबद्दल बोलायचे झाले, तर आलिया भट्ट शेवटची रणवीर सिंगसोबत रॉकी और रानी की प्रेम कहानी या चित्रपटात दिसली होती. हा चित्रपट करण जोहरने दिग्दर्शित केला होता.