करण जोहर, रोहित शेट्टी कुणीही नाही; प्रभास करणार ‘या’ दिग्दर्शकासोबत बॉलिवूड डेब्यू?

स�

��ऊथ स्टार प्रभास बॉलिवूड डेब्यू करणार आहे, हे तर तुम्हाला ठाऊक आहेच. पण कोणत्या दिग्दर्शकाच्या चित्रपटातून हे अद्याप ठरलेले नाही. कधी प्रभास करण जोहरच्या चित्रपटातून बॉलिवूड डेब्यू करणार, अशी बातमी येते तर कधी रोहित शेट्टीच्या अ‍ॅक्शनपटात दिसणार असे कानावर येते. पण आता एक नवी बातमी आहे. होय, करण आणि रोहितला सोडून प्रभास भलत्याच दिग्दर्शकासोबत सीक्रेट मीटिंग करू लागलाय. चर्चा खरी मानाल तर, प्रभास आणि दिग्दर्शक साजिद नाडियावाला यांच्यात बोलणी सुरु आहे. अलीकडे प्रभासने साजिद नाडियावाला यांच्याशी सीक्रेट मीटिंग केली. या मीटिंगचे डिटेल्स आम्हाला ठाऊक नाही. पण या मीटिंगमध्ये एका बॉलिवूड प्रोजेक्टवर चर्चा झाली, अशी पक्की माहिती आहे. आता बात पक्की आहे म्हटल्यावर, लवकरच सगळे सत्य तुमच्यापर्यंत पोहोचेल.
‘बाहुबली2’नंतर  बॉलिवूडचे अनेक दिग्दर्शक प्रभाससोबत काम करण्यास उत्सूक आहेत. अशात प्रभासचे भाव वाढणे साहजिक आहे. होय, एका चित्रपटासाठी तो थोडे थोडके नव्हे तर ८० कोटी रूपयांची मागणी करत असल्याचे ऐकवात येतेय. अर्थात मानधनाचा हा आकडा खरा की खोटा, हे अद्याप स्पष्ट झालेले नाही. पण हा आकडा खरा असेल तर तो सलमान खान आणि शाहरूख खान याच्यापेक्षाही मोठा म्हणायला हवा. म्हणजेच प्रभास खरचं ८० कोटी रुपये इतके मानधन आकारत असेल तर त्याने सलमान, शाहरुखलाही या बाबतीत मागे टाकले,असेच म्हणावे लागेल.
प्रभास लवकरच ‘साहो’ या चित्रपटातून प्रेक्षकांच्या भेटीला येणार आहे. या चित्रपटाचा बजेट तब्बल १५० कोटी रुपयांचा असल्याचे कळतेय. या वर्षा अखेरपर्यंत प्रदर्शित होणारा हा चित्रपट तीन भाषांत प्रदर्शित होणार आहे.