​करण जोहरच्या बायोपिकमध्ये आलिया भट्ट बनणार, ट्विंकल खन्ना!

न�

��र्माता व दिग्दर्शक करण जोहर याच्या आयुष्यावर बेतलेले बायोपिक पडद्यावर आले तर ट्विंकल खन्नाची भूमिका या बायोपिकमध्ये कोण साकारणार? आता करणच्या बायोपिकमध्ये ट्विंकल खन्ना कुठून आली? असा प्रश्न तुम्हाला पडला असेल. कदाचित तुम्हाला माहित नसेल पण ट्विंकल ही करणचा पहिला क्रश होती. ट्विंकल व करण बालपणीचे मित्र आहेत. ट्विंकलवर करण एकतर्फी प्रेम करायला. करणने स्वत: अनेक व्यासपीठांवर याची कबुली दिली आहे. त्यामुळे करणच्या बायोपिकमध्ये ट्विंकल असणार आणि असणारच. पण आता प्रश्न उरतो तो, ट्विंकलची व्यक्तिरेखा कोण साकारणार हा? तर आलिया भट्ट. थांबा...थांबा...असे आम्हाला नाही तर करणला स्वत:ला वाटतेय.


ALSO READ : First Photos : ...अखेर करण जोहरने आपल्या जुळ्या मुलांना नेले घरी!!

होय, अलिकडे एका अवार्ड शोमध्ये आलियाला ‘आऊटस्टँडिंग टॅलेंट आॅफ दी ईअर’ या पुरस्काराने गौरविण्यात आले. खुद्द आलियाचा मेंटर करण जोहर याच्या हस्ते आलियाला हा पुरस्कार देऊन गौरविण्यात आले. यावेळी बोलताना आलियाने करणच्या बायोपिकमध्ये त्याच्या आईची भूमिका करण्याची इच्छा व्यक्त केली.  करणच्या जीवनावर चित्रपट बनला तर मी त्या चित्रपटात त्याच्या आईची म्हणजेच हिरू जोहर यांची भूमिका चांगली साकारु शकेन, असे ती म्हणाली. पण करणने तिला मध्येच तोडले.  तू सिंधी वाटत नाही. माझ्या आयुष्यावर चित्रपट बनलाच तर तू माझ्या लहानपणीची मैत्रिण ट्विंकल खन्ना हिची भूमिका साकारू शकतेस, असे करण तिला म्हणाला.
एकंदर काय तर ट्विंकलची भूमिका आलियाने साकारावी, अशी करणची इच्छा आहे. आता याबद्दल काही संशय नसावा. ना तुमच्या मनात, ना आमच्या मनात?