करीना कपूर खानचा 'द बकिंगहॅम मर्डर्स' घरबसल्या पाहा, 'या' OTT प्लॅटफॉर्मवर झाला प्रदर्शित

'द बकिंगहॅम मर्डर्स' हा मिस्ट्री थ्रिलर सिनेमा ओटीटीवर प्रदर्शित होण्यासाठी सज्ज झाला आहे.

The Buckingham Murders Ott Release : ओटीटी एक ट्रेंड बनला आहे. चित्रपटगृहांमध्ये चित्रपट पाहणे पसंत करणारे निम्मे लोकआता ओटीटीकडे वळले आहेत. हे लोक OTT वर चित्रपट प्रदर्शित होण्याची वाट पाहत असतात. असेही काही चित्रपट आहेत, जे थिएटरमध्ये तर चालले नाहीत, पण, ओटीटीवर प्रदर्शित झाल्यानंतर त्यांना लोकांचं प्रेम मिळालं. याचे उदाहरण म्हणजे  अभिनेता विक्रांत मेसीचा 12th फेल, अभिनेता अक्षय कुमारचा 'खेल खेल में' आणि किरण रावचा 'लापता लेडीज' .  आता आम्ही तुम्हाला आणखी एका चित्रपटाचे अपडेट देणार आहोत, जो येत्या काही दिवसांत OTT वर प्रदर्शित होणार आहे.

अभिनेत्री करीना कपूर खानच्या 'द बकिंगहॅम मर्डर्स' या सिनेमाला  प्रेक्षकांचा सकारात्मक प्रतिसाद मिळाला. पण, हा सिनेमा बॉक्स ऑफिसवर जास्त कमाई करू शकला नव्हता. आता हा हंसल मेहता दिग्दर्शित मिस्ट्री थ्रिलर सिनेमा ओटीटीवर प्रदर्शित होण्यासाठी सज्ज झाला आहे. करीनाने तिच्या सोशल हँडलवर याची घोषणा केली आहे. हा चित्रपट ८ नोव्हेंबरला नेटफ्लिक्सवर प्रदर्शित होणार आहे.

सिनेमागृहात १३ सप्टेंबर २०२४ रोजी प्रदर्शित झालेल्या या चित्रपटात अनेक दिग्गज कलाकार दिसले. या चित्रपटात करीना कपूर खान, ॲश टंडन, रणवीर ब्रार आणि किथ ॲलन मुख्य भूमिकेत दिसले होते. या चित्रपटाद्वारे करीना कपूरने निर्माती म्हणून पदार्पण केलं आहे. या सिनेमात करीना कपूर एका महिला गुप्तहेराची भूमिका साकारत आहे, तिचे नाव जस भामरा आहे.

'द बकिंगहॅम मर्डर्स' या चित्रपटाने जागतिक स्तरावर आपला ठसा उमटवला आहे. मामी चित्रपट महोत्सव २०२३ च्या ओपनिंगचा मान या चित्रपटाने पटकावला होता. करीनाच्या वर्कफ्रंटबद्दल बोलायचे तर,  लाल सिंह चड्ढानंतर अभिनेत्री 'जाने जान' चित्रपटातून प्रेक्षकांच्या भेटीला आली होती. त्यानंतर ती 'द बकिंगहॅम मर्डर्स' आणि आता करीना ही 'सिंघम अगेन'मध्येही पाहायला मिळतेय.