​ करिना कपूरच्या ‘वीरे दी वेडींग’वर संकटाचे ढग? वाचा काय आहे बातमी!

‘वीरे दी वेडींग’ या चित्रपटाची आपण सर्वच आतुरतेने प्रतीक्षा करत आहोत. प्रेंग्नंसीनंतर पुन्हा एकदा आपल्या सेक्सी फिगरमध्ये परतलेली करिना ...

‘�

��ीरे दी वेडींग’ या चित्रपटाची आपण सर्वच आतुरतेने प्रतीक्षा करत आहोत. प्रेंग्नंसीनंतर पुन्हा एकदा आपल्या सेक्सी फिगरमध्ये परतलेली करिना कपूर या चित्रपटातून पुनरागमन करतेय. पण आता या चित्रपटाच्या भविष्यावर संकटाचे काळे ढग जमू लागले आहेत. होय, या चित्रपटाची को-प्रोड्यूसर एकता कपूर  ‘वीरे दी वेडींग’पासून वेगळी होत असल्याची बातमी आहे. म्हणजेच, एकता  या प्रोजेक्टमधून अंग काढून घेणार असल्याचे कळतेय.  



बातमी केवळ इतकीच नाही तर यापुढचीही आहे. एकता या प्रोजेक्टमधून अंग काढून घेत असल्याची बातमी आली आणि ती अनिल कपूरच्या कानावर गेली. अनिल तर या बातमीने पार टेन्शनमध्ये आलेत. का तर, अनिलची लाडकी मुलगी रिया कपूर ही सुद्धा या चित्रपटाची प्रोड्यूसर आहे. मग काय, त्यांनी लगेच जितेन्द्र यांच्याकडे धाव घेतली. एकताने या प्रोजेक्टमधून बाहेर पडू नये, यासाठी त्याने जितेन्द्र यांची मदत मागितली. एकताला समजावा, अशी गळ त्याने जितेन्द्र यांनाघातली. आता पापा जितेन्द्र यांचा शब्द एकता टाळू शकत नाहीच. शेवटी पापाची लाडकी जी ती आहे. आता जितेन्द्र या प्रकरणात अनिलची कशी मदत करतात, ते लवकरच कळेल.

ALSO READ : ​मम्मा करिना कपूरच्या ‘वीरे दी वेडिंग’मध्ये खरचं दिसणार का चिमुकला तैमूर?

तूर्तास तरी एकता या प्रोजेक्टमधून का बाहेर पडू पाहतेय, हे  कळलेले नाही. चित्रपटाचे म्हणाल तर, या चित्रपटाची घोषणा झाली, तेव्हापासूनच तो चर्चेत आहे. आता एका चित्रपटात एकाचवेळी चार-चार हिरोईन आहेत म्हटल्यावर चर्चा तर व्हायलाच हवी नाही. होय, या चित्रपटात करिना कपूर, सोनम कपूर, स्वरा भास्कर आणि शिखा तल्सानिया अशा चौघी दिसणार आहे. दिल्लीत या चित्रपटाचे शूटींग सुरू झाले आहे. करिना या शूटींगसाठी दिल्लीतही पोहाचली आहे.