फोटोत दिसणाऱ्या या क्युट चिमुकलीला ओळखलंत?, सलमान खानसोबत दिलेत अनेक हिट चित्रपट

सोशल मीडियावर व्हायरल होत असलेल्या फोटोमध्ये एका अभिनेत्रीने तिच्या बालपणीचा फोटो शेअर केला आहे. हा फोटो पाहिल्यावर तिला ओळखणंदेखील कठीण झालं आहे.

Bollywood Celebs Childhood Pics: सध्याच्या काळात अनेक सेलिब्रिटी चाहत्यांच्या संपर्कात राहण्यासाठी सोशल मीडियाचा वापर करतात. त्यामुळे ही सेलिब्रिटी मंडळी अनेकदा त्यांच्या जीवनातील लहानसहान गोष्टीही चाहत्यांसोबत शेअर करत असतात. यामध्येच मध्यंतरी अनेक कलाकार मंडळींनी त्यांच्या बालपणीचे किंवा कॉलेज जीवनातील फोटो शेअर करत नवा ट्रेंड सुरु केला होता. यामध्येच आता बॉलिवूडमधील एका लोकप्रिय अभिनेत्रीचा फोटो चर्चेत येत आहे.

 एक हिंट देत आम्ही तुम्हाला सांगतो की या अभिनेत्रीने सुपरस्टार सलमान खानसोबत अनेक चित्रपटांमध्ये काम केले आहे. तसा सलमान खानने अनेक अभिनेत्रींसोबत काम केले आहे. मात्र सलमानने या अभिनेत्रीसोबत अनेक दशके काम केले आहे. आता या अभिनेत्रीचे नाव जाणून घेण्यासाठी तुमची उत्सुकता वाढली आहे, त्यामुळे तुमचा सस्पेन्स संपवण्यासाठी आम्ही तुम्हाला या फोटोमध्ये दिसणार्‍या चिमुरडीचे नाव सांगणार आहोत. खरंतर हा फोटो हिंदी सिनेसृष्टीतील प्रसिद्ध अभिनेत्री करिश्मा कपूर(Karisma Kapoor) च्या बालपणीचा.

खूप दिवसांपूर्वी करिश्माने तिच्या अधिकृत इंस्टाग्राम हँडलवर तिच्या बालपणीचा हा फोटो शेअर केला होता. बालपणीच्या या फोटोत करिश्मा कपूर खूपच क्यूट आणि सुंदर दिसत आहे. करिश्मा कपूरच्या बालपणीचा हा फोटो सध्या सोशल मीडियावर चर्चेत आहे.

सलमान खान आणि करिश्मा कपूर यांनी अनेक चित्रपटांमध्ये एकत्र काम केले आहे. ज्याची सुरुवात 1991 मध्ये 'जागृती' चित्रपटातून झाली. यानंतर सलमान आणि करिश्मा 'अंदाज अपना अपना, जुडवा, जीत, निश्चय, बीवी नंबर वन, हम साथ साथ हैं, चल मेरे भाई आणि दुल्हन हम ले जाएंगे' सारख्या अनेक उत्कृष्ट चित्रपटांमध्ये एकत्र दिसले आहेत. करिश्मा कपूर (Karisma Kapoor)  लवकरच 'ब्राउन' या वेब सीरिजमधून कमबॅक करणार आहे.