Kartik Aaryan Video: ‘शेहजादा’ला लगीनघाई..., कार्तिक आर्यनची लग्नाबद्दल मोठी घोषणा

Kartik Aaryan Video: होय, सगळ्यांचा लाडका व बॉलिवुडचा मोस्ट वॉन्टेड मुंडा कार्तिक आर्यन बोहल्यावर चढणार आहे. हे आम्ही नाही तर खुद्द कार्तिक म्हणतोय.

होय, सगळ्यांचा लाडका व बॉलिवुडचा मोस्ट वॉन्टेड मुंडा  कार्तिक आर्यन (Kartik Aaryan ) बोहल्यावर चढणार आहे. हे आम्ही नाही तर खुद्द कार्तिक म्हणतोय. कार्तिकच्या लग्नाची बातमी ऐकून अनेक तरूणींची निराशा होणार, पण बॉलिवूडचे एकापाठो एक असे सगळे सिंगलचे मिंगल होत असताना पाहून कार्तिकही लग्नासाठी उतावीळ झाला आहे. कार्तिकने त्याच्या इन्स्टा अकाऊंटवर एक व्हिडीओ शेअर केला आहे. या व्हिडीओत त्याने लग्नाची घोषणा केली आहे. 
तर हा व्हिडीओ झी सिने अवार्डच्या मंचावरचा आहे. अगदी बँड बाजासह कार्तिकची मंजावर एन्ट्री होते.

View this post on Instagram

A post shared by KARTIK AARYAN (@kartikaaryan)

 ' मी बँड का घेऊन आलो, असा प्रश्न तुम्हाला पडला असेल. पण इंडस्ट्रीत एकामागून एक सर्वांचेच बँड वाजत आहेत, सर्व घोड्यावर चढत आहेत, सर्वांच्याच विकेट पडत आहेत. मात्र अद्याप एक विकेट पडली नाही. ऐलेजिबल सिंगल क्लबमध्ये आता कोण उरलं आहे? तर मीच... तर आता हवामान बदलत आहे, हा माणूसही वितळत आहे. लग्नाचे लाडू खाऊन पहावेत असं मलाही वाटू लागलं आहे.  प्यार का पंचनामा तर केलाच, आता लग्नाचाही पंचनामा करतो. त्यामुळे या स्टेजवर तुम्हा सर्वांना साक्षीदार मानून आज मी माझ्या सर्व चाहत्यांना आणि इंडस्ट्रीला ही बातमी देऊ इच्छितो की मी लग्न करणार आहे, असं कार्तिक या व्हिडीओत म्हणतोय.  

View this post on Instagram

A post shared by KARTIK AARYAN (@kartikaaryan)

कार्तिकने ही घोषणा करताच उपस्थित सगळेच हसायला लागलेत. अवार्ड नाईटला हजर असलेले रश्मिका मंदाना, आलिया भट, बॉबी देओल सगळे स्टार यावर खळखळून हसले. कारण हा त्याच्या परफॉर्मन्सचा भाग होता. चाहत्यांनी मात्र कार्तिकच्या या व्हिडीओवर भरभरून कमेंट्स केल्यात.

कार्तिक आर्यनचं नाव आत्तापर्यंत अनेक अभिनेत्रींशी जोडलं गेलं. सारा अली खानसोबत तो सीरिअस रिलेशनशिपमध्ये होता. पण अचानक दोघांचं ब्रेकअप झालं. सध्या हृतिकची चुलत बहिण पश्मिनासोबत त्याचं नाव जोडलं जातंय. कार्तिक लवकरच  ‘आशिकी ३’ आणि ‘सत्यप्रेम की कथा’ या चित्रपटात झळकणार आहे.