​कॅटरिना कैफ मध्यरात्री सिद्धीविनायकाच्या दर्शनाला! सलमान खानच्या सुटकेसाठी बाप्पाला साकडे !!

थ�

��ड्याच वेळात काळवीट शिकार प्रकरणाचा निकाल येणार आहे. या निकालावर अभिनेता सलमान खानचे भविष्य अवलंबून आहे. सलमानला शिक्षा होणार की तो सहीसलामत सुटणार, हे थोड्याच वेळात कळणार असले तरी सलमानच्या चाहत्यांच्या हृदयाचे ठोके वाढले आहेत. यात कॅटरिना कैफचाही समावेश आहे. काल रात्री १२ वाजता सलमानची एकेकाळची गर्लफ्रेन्ड कॅटरिना कैफ सिद्धीविनायकाच्या चरणी पोहोचली. तिच्यासोबत सलमानची बहीण अर्पिताही होती. यामुळे सलमानच्या सुटकेचे साकडं घालण्यासाठीच कॅटरिना सिद्धीविनायकाच्या चरणी गेल्याची चर्चा रंगली.
कॅटरिना व सलमान एकेकाळी रिलेशनशिपमध्ये होते. पण कॅटरिनाच्या आयुष्यात रणबीर कपूर आला आणि सलमान बाजूला झाला. पुढे रणबीर व कॅटरिनाचे ब्रेकअप झाले. या काळात सलमानने कॅटरिना प्रचंड मानसिक आधार दिला. गेल्या काही दिवसांत दोघांमधील जवळीक पुन्हा एकदा वाढली आहे. काही दिवसांपूर्वी पुण्यातील एका कार्यक्रमात सलमान व कॅटरिना अख्ख्या मीडियासमोर एकाच कपातून कॉफी पितांना दिसले होते. त्यांचा व्हिडिओही व्हायरल झाला होता. ही पार्श्वभूमी बघता, सलमानच्या निकालाच्या आधल्या रात्री कॅटरिना सिद्धीविनायकाच्या दर्शनाला गेल्याने ती सलमानसाठीच बाप्पाकडे गेल्याची चर्चा रंगली आहे.

ALSO READ : WATCH : ​मीडियाच्या शेकडो कॅमे-यांसमोर एकाच कपातून कॉफी पितांना दिसले सलमान खान अन् कॅटरिना कैफ!

सन १९९८ मध्ये ‘हम साथ साथ है’च्या शूटींगदरम्यान सलमान खान, सैफ अली खान, तब्बू, सोनाली बेंद्रे असे सगळे घोडा फार्म हाऊस येथे थांबले होते. यादरम्यान भवाद गावात २७व२८ सप्टेंबरच्या रात्री त्यांनी काळवीटांची शिकार केल्याचा आरोप आहे. यानंतर १ आॅक्टोबर रोजी कांकणी गावात काळवीटांची शिकार केल्याचाही आरोप आहे. काळवीट शिकार प्रकरणात सलमानविरोधात एकूण चार गुन्हे (कांकाणी प्रकरण, घोडा फार्म हाऊस प्रकरण, भवाद प्रकरण, आर्म्स अ‍ॅक्ट प्रकरण)दाखल झाले होते. यापैकी तीन खटले काळवीट शिकारीचे होते तर चौथा आर्म्स अ‍ॅक्टचा होता. आज निकाल सुनावला जाणार असलेले प्रकरण कांकाणी गावातील आहे.