'मेरी ख्रिसमस' कतरिना कैफला वाटतो करिअरमधील सर्वात कठीण सिनेमा, खुलासा करत म्हणाली - "या भूमिकेनं माझ्या..."

Katrina Kaif Merry Christmas : कतरिना कैफ आणि विजय सेतुपती अभिनीत मेरी ख्रिसमस चित्रपट पुढील वर्षी जानेवारीमध्ये प्रदर्शित होणार आहे. श्रीराम राघवन यांच्या चित्रपटात कतरिना आणि विजय पहिल्यांदाच स्क्रीन शेअर करताना दिसणार आहेत.

कतरिना कैफ आणि विजय सेतुपती अभिनीत मेरी ख्रिसमस चित्रपट पुढील वर्षी जानेवारीमध्ये प्रदर्शित होणार आहे. श्रीराम राघवन यांच्या चित्रपटात कतरिना आणि विजय पहिल्यांदाच स्क्रीन शेअर करताना दिसणार आहेत. अलीकडेच, कतरिनाने रेड सी इंटरनॅशनल फिल्म फेस्टिव्हलमध्ये मेरी ख्रिसमसला सर्वात आव्हानात्मक चित्रपट म्हणून वर्णन केले. तसेच विजय सेतुपतीसोबत काम करण्याबाबत सांगितले.

कतरिना कैफ नुकतेच जेदाह येथे झालेल्या रेड सी इंटरनॅशनल फिल्म फेस्टिव्हलमध्ये सहभागी झाली होती. यावेळी कतरिनाने काळ्या रंगाची साडी परिधान केली होती. यात ती खूपच सुंदर दिसत होती. या इव्हेंटमध्ये अभिनेत्रीने तिच्या आगामी 'मेरी ख्रिसमस' या चित्रपटाबद्दलही सांगितले. 'टायगर ३' नंतर कतरिना कैफ तिच्या आगामी 'मेरी ख्रिसमस' चित्रपटामुळे चर्चेत आहे. हा चित्रपट आधी डिसेंबरमध्ये प्रदर्शित होणार होता, मात्र तारीख पुढे ढकलण्यात आली आहे. हा चित्रपट जानेवारी २०२४ मध्ये थिएटरमध्ये दाखल होणार आहे. कतरिनासोबत साऊथचा सुपरस्टार विजय सेतुपती मुख्य भूमिकेत आहे.

'मेरी ख्रिसमस'बद्दल कतरिना म्हणाली की, मला विजय सेतुपतीसोबत मेरी ख्रिसमसमध्ये काम करण्याची संधी मिळाली. ते खूप सुंदर होते. माझ्या कारकिर्दीतील हा आतापर्यंतचा सर्वात कठीण चित्रपट आहे. त्या व्यक्तिरेखेने माझ्याकडून बरेच काही करुन घेतले आहे आणि अनुभव खूप छान आहे. तो (दिग्दर्शक) तुम्हाला कलाकार म्हणून आव्हान देतो. त्यासोबतच हा द्विभाषिक चित्रपट आहे. आम्ही हिंदी आणि तमिळमध्ये चित्रपटाचे शूटिंग केले. मी तमिळ व्हर्जनसाठी तमिळमध्ये शूट केले. अशा परिस्थितीत दोनदा शूटिंग करावे लागले. त्यामुळे ते अवघड असले तरी थ्रिलने भरलेले होते.

कतरिना कैफ विजय सेतुपतीबद्दल म्हणाली...
कतरिना कैफने विजय सेतुपतीचे कौतुक केले आणि त्याला आश्चर्यकारक म्हटले. कतरिना म्हणाली, "माझा सहकलाकार विजय सेतुपती अप्रतिम आहे. जेव्हा आम्ही हिंदीत शूट केले तेव्हा तो विलक्षण होता, पण जेव्हा आम्ही तमिळमध्ये शूटिंग केले तेव्हा तो वेगळा अभिनेता बनला."
कतरिना कैफ आणि विजय सेतुपती यांचा 'मेरी ख्रिसमस' चित्रपट १२ जानेवारी, २०२४ रोजी थिएटरमध्ये प्रदर्शित होणार आहे.