KGF 2: बॉक्स ऑफिसवर रॉकी भाईचा बोलबाला, आतापर्यंत केली इतक्या कोटींची कमाई

साऊथचा सुपरस्टार यशचा चित्रपट KGF 2 ने आणखी एक रेकॉर्ड आपल्या नावावर केला आहे. यशच्या चाहत्यांसाठी ही बातमी खूप मोठी आहे.

साऊथचा सुपरस्टार यशचा चित्रपट KGF 2 ने आणखी एक रेकॉर्ड आपल्या नावावर केला आहे. KGF 2 ने अनेक मोठ्या चित्रपटांचा विक्रम मोडला आहे आणि सर्वात कमी कलावधीत  250 कोटी कमावणारा चित्रपट बनला आहे. यशच्या चाहत्यांसाठी ही बातमी खूप मोठी आहे. 

ट्रेड अॅनालिस्ट तरण आदर्श यांनी चित्रपटाच्या कमाईचे ताजे आकडे शेअर केले आहेत. KGF 2च्या हिंदी व्हर्जनने बॉलिवूड आणि साऊथ चित्रपटांचे रेकॉर्ड कसे मोडले, हे त्याने आपल्या ट्विटमध्ये सांगितले. बुधवारी रिलीजच्या 7 व्या दिवशी या चित्रपटाने 16.35 कोटींचा व्यवसाय केला. KGF 2 च्या हिंदी व्हर्जनने 1 आठवड्यात 255.05 कोटी कमावले आहेत. 

#KGF2 IS THE FASTEST TO HIT ₹ 250 CR...
⭐ #KGF2: Day 7
⭐ #Baahubali2: Day 8
⭐ #Dangal: Day 10
⭐ #Sanju: Day 10
⭐ #TigerZindaHai: Day 10
Thu 53.95 cr, Fri 46.79 cr, Sat 42.90 cr, Sun 50.35 cr, Mon 25.57 cr, Tue 19.14 cr, Wed 16.35 cr. Total: ₹ 255.05 cr. #India biz. #Hindipic.twitter.com/VTwDGVOoyd

— taran adarsh (@taran_adarsh) April 21, 2022

KGF 2 ने बाहुबली 2, दंगल, संजू, टायगर जिंदा है सारख्या मोठ्या चित्रपटांना मागे टाकले आहे ज्यांनी 250 कोटींची कमाई केली. बॉक्स ऑफिसवर KGF 2 च्या वर्चस्वामुळे थलपथी विजयच्या बीस्ट चित्रपटाला खूप फटका बसला आहे. कारण सगळीकडे यशच्या चित्रपटावर केजीएफचे वर्चस्व आहे.मीडिया रिपोर्ट्सनुसार यशच्या चित्रपटाने भारतातील सर्व व्हर्जननमध्ये 500 कोटींचा टप्पा पार केला आहे.

KGF 2चा सोशल मीडियावर जबरदस्त ट्रेंड पाहायला मिळतील. चित्रपट प्रदर्शित झाल्यानंतर त्याचे सर्व तारे स्टार झाले आहेत. लहान असो वा मोठे प्रत्येक पात्र लोकांच्या मनात घर केलं आहे.. KGF 2 ची कमाई अजून थांबलेली नाही. चित्रपटाचा तिसरा भागही येणार आहे.