KGF 2 Song ‘Toofan’ : ‘केजीएफ 2’ च्या 'तूफान' गाण्यातून दिसला रॉकी भाईचा इंटेन्स लूक, गाणंही झालंय भन्नाट

KGF 2 Song ‘Toofan’ : केजीएफ २ सिनेमाच्या पार्श्वभूमीनुसार हे गाणंही इंटेन्स वाटत आहे. इतकंच नाही तर या गाण्यातील यशचा इंटेन्स लूकही बघायला मिळतो आहे.

साउथ फिल्म इंडस्ट्रीतील रॉकिंग स्टार यश (Rocking Star Yash) च्या आगामी 'केजीएफ २' (KGF Chapter 2) सिनेमाची लोक आतुरतेने वाट बघत आहेत. अशातच या सिनेमातील पहिलं गाणं 'तूफान' रिलीज करण्यात आलं आहे. हे लिरिकल गाणं आहे. केजीएफ २ सिनेमाच्या पार्श्वभूमीनुसार हे गाणंही इंटेन्स वाटत आहे. इतकंच नाही तर या गाण्यातील यशचा इंटेन्स लूकही बघायला मिळतो आहे.

या गाण्याच्या माध्यमातून यशची सिनेमातील भूमिका रॉकी भाईची पहिली झलक बघायला मिळाली आहे. गाण्याचे बीट्स फारच भन्नाट आहे आणि रिदमही थिरकायला लावणारा आहे. हे गाणं यशच्या भूमिकेला न्याय देणारं असंच झालं आहे. या सिनेमात यश एका योद्धाच्या भूमिकेत आहे जो गरिबांच्या न्यायासाठी लढतो.

यश आगामी सिनेमातील हे गाणं केवळ हिंदीच नाही तर कन्नड, तेलुगु, तमिळ आणि मल्याळम भाषेतही रिलीज करण्यात आलं आहे. या गाण्यावर फॅन्सच्या भरभरून प्रतिक्रिया येत आहेत. या गाण्यामुळे सिनेमाची उत्सुकता आणखी ताणली गेली आहे.

केजीएफ चॅप्टर १ रिलीज झाल्यावर यशची फॅन फॉलोईंग खूप वाढली आहे. सिनेमाच शेवट इतका शानदार होता की, प्रत्येकाला हे जाणून घ्यायचं आहे की, सिनेमात पुढे काय होणार आहे. यशची लोकप्रियता तर इतकी वाढली की, त्याला आता सगळे रॉकी भाईच म्हणतात.

'केजीएफ चॅप्टर २' मध्ये यशसोबतच आता संजय दत्तही दिसणार आहे. संजय दत्त यात व्हिलनच्या भूमिकेत दिसणार आहे. यातील संजयचा लूक फॅन्स खूपच आडवडा आहे. तसेच यात रवीना टंडन आणि प्रकाश राज यांच्याही भूमिका असणार आहेत. हा सिनेमा १४ एप्रिलला वेगवेगळ्या भाषांमध्ये रिलीज होणार आहे.