KGF Chapter 2 Trailer: 'व्हॅायलेन्स, व्हॅायलेन्स, व्हॅायलेन्स, आय डोन्ट लाईक इट'; यश स्टारर केजीएफ-2 चा दमदार ट्रेलर रिलीज

KGF Chapter 2 Trailer : पुढील महिन्यात 14 एप्रिल रोजी KGF-2 रिलीज होत असून, पहिल्या चित्रपटाच्या प्रचंड यशानंतर हा दुसरा पार्टही बॉक्स ऑफिसवर नवीन रेकॉर्ड बनवेल अशी अपेक्षा आहे.

अनेक दिवसांपासून चाहते ज्याची वाट पाहत होते, त्या KGF Chapter-2 चे ट्रेलर आज रिलीज झाले. कन्नड सुपरस्टार यशच्या(Yash) KGF चित्रपटाने चाहत्यांना वेड लावलं होतं. पहिला पार्ट सुपरहिट झाल्यानंतर चाहते दुसऱ्या पार्टची आतुरतेने वाट पाहत होते. आज अखेर या चित्रपटाचे ट्रेलर रिलीज झाले. 2 मिनिटे 56 सेकंदांच्या ट्रेलरमध्ये अॅक्शनसोबतच संजय दत्त (Sanjay Dutt) आणि रविना टंडनचा (Raveena Tandon) लूक सर्वांना आकर्षित करत आहेत. 

पुढच्या महिन्यात 14 एप्रिलला KGF रिलीज होत असून, पहिल्या चित्रपटाच्या प्रचंड यशानंतर हा दुसरा पार्टही बॉक्स ऑफिसवर नवीन रेकॉर्ड बनवेल अशी अपेक्षा आहे. KGF-1 पासूनच सोशल मीडियावर यशची फॅन फोलोविंग आणि तरुणांमध्ये त्याची जबरदस्त क्रेझ निर्माण झाली. त्यानंतर आता दुसऱ्या पार्टचे ट्रेलर पाहून चाहते अक्षरशः वेडे झाले आहेत. यशसोबतच संजय दत्त, श्रीनिधी शेट्टी, रवीना टंडन, प्रकाश राज आणि मालविका अविनाश यांचेही दमदार पात्र ट्रेलरमध्ये पाहायला मिळत आहे.

'व्हॉयलेन्स...व्हॉयलेन्स...व्हॉयलेन्स'
KGF 2 च्या ट्रेलरमध्ये पूर्वीपेक्षा जास्त अॅक्शन, दमदार संवाद आणि अनेक पात्र पाहायला मिळतील. रिलीज होताच KGF 2 चे ट्रेलर व्हायरल होऊ लागला आहे. KGF मध्‍ये गरुडाला मारल्‍यानंतर काय झाले, तेव्हापासून ट्रेलरची सुरुवात होते. यावर प्रकाश राज म्हणतो- ही रक्ताने लिहिलेली कथा आहे, ती शाईने बनणार नाही. यानंतर, यश, 'व्हॉयलेन्स...व्हॉयलेन्स...व्हॉयलेन्स, मला व्हॉयलेन्स आवडत नाही, पण व्हॉयलेन्सला मी आवडतो,' असा डायलॉग म्हणतो.