'रामायण'मध्ये रावणाच्या भूमिकेत दिसणार KGF फेम यश?, यावर अभिनेत्यानं सोडलं मौन

KGF Fame Yash : केजीएफ फेम यश सध्या नितेश तिवारीच्या 'रामायण'मधील त्याच्या कास्टिंगमुळे चर्चेत आहे.

केजीएफ (KGF) फेम यश (Yash) सध्या नितेश तिवारीच्या 'रामायण'(Ramayana)मधील त्याच्या कास्टिंगमुळे चर्चेत आहे. रणबीर कपूर (Ranbir Kapoor) आणि आलिया भट (Alia Bhatt) या चित्रपटात मुख्य भूमिकेत दिसणार आहे. या दोघांशिवाय यश 'रावण'च्या भूमिकेत दिसणार असल्याची चर्चा आहे. मात्र, त्यांच्याकडून याबाबत कोणतीही अधिकृत घोषणा करण्यात आलेली नाही. दरम्यान, यश नुकताच कर्नाटकातील म्हैसूर जिल्ह्यातील श्रीकांतेश्वराच्या मंदिरात भेट देताना दिसला. यादरम्यान यशने या सर्व चर्चांवर प्रतिक्रिया दिली.

यशच्या जवळच्या सूत्रांचे म्हणणे आहे की नवीन प्रोजेक्टचा निर्णय घेण्यापूर्वी अभिनेता कुलदैवतेचा आशीर्वाद घेण्यासाठी येथे आला होता. यश पत्नी राधिका पंडित, मुले आयरा आणि यथर्वसह मंदिरात पोहोचले. तेथे जाऊन त्यांनी कुटुंबासह भव्य पूजा केली. आता यशच्या एका फॅन क्लबनेही याच काळात एक व्हिडिओ शेअर केला आहे, जो खूप वेगाने व्हायरल होत आहे.

लवकरच करणार नव्या प्रोजेक्टची घोषणा
दर्शनानंतर प्रसारमाध्यमांशी संवाद साधताना यश म्हणाला, 'नंजनगुड श्रीकांतेश्वर हे आमचे कुलदैवत आहे. कोरोनामुळे मंदिरात जाण्याची संधी मिळाली नाही, म्हणून आज दर्शनासाठी आलो आहे. इथे येण्याचे विशेष कारण नाही, आम्हाला फक्त देवाचे दर्शन घ्यायचे होते आणि त्यांचा आशीर्वाद घ्यायचा होता. यश पुढे म्हणाला की तो लवकरच त्याच्या नवीन प्रोजेक्टची घोषणा करणार आहे. यश म्हणतो, 'चित्रपटातून कमावणाऱ्या पैशांना न्याय देऊ शकेल, अशाप्रकारे चित्रपट बनवला गेला पाहिजे. मी एक क्षणही वाया घालवत नाही आणि सिनेमासाठी काम करत आहे. त्यावर लवकरच बोलू.

यश दिसणार रावणाच्या भूमिकेत 
दिग्दर्शक नितेश तिवारी लवकरच रामायणावर आधारीत चित्रपट बनवणार आहे. या चित्रपटातील माता सीतेच्या भूमिकेसाठी आलिया भट तर प्रभू रामाच्या भूमिकेसाठी रणबीर कपूरला पहिली पसंती मानले जात आहे. दुसरीकडे यशने त्यात रावणाची भूमिका करावी, अशी नितेशची इच्छा आहे. या चित्रपटाची अधिकृत घोषणा यंदाच्या दिवाळीपर्यंत होऊ शकते, असे बोलले जात आहे.