'खिचडी 2' मध्ये भन्नाट ट्रेलर प्रेक्षकांच्या भेटीला; यंदाच्या दिवाळीत फुटणार हास्याचे फटाके

 'खिचडी 2' चित्रपटाचा धमाकेदार ट्रेलर रिलीज झाला आहे. 

टीव्हीवर सतत नवनवीन कार्यक्रम, मालिका, शोज येत असतात. पण तरीही पूर्वी गाजलेल्या मालिकांची क्रेझ आजही कायम आहे. या मालिकांची लोकप्रियता इतकी आहे की, यावर आता सिनेमेही प्रेक्षकांच्या भेटीला येत आहेत. असाच  छोट्या पडद्यावरील लोकप्रिय शो 'खिचडी' आजही प्रेक्षक आवडीने पाहतात. खिचडी या टीव्ही मालिकेपासून प्रेरित असलेला खिचडी हा चित्रपट लोकांना खूप आवडला होता. आता 2010 मध्ये प्रदर्शित झालेल्या या चित्रपटाच्या 13 वर्षानंतर 'खिचडी 2' हा चित्रपट येतोय.  'खिचडी 2' चित्रपटाचा धमाकेदार ट्रेलर रिलीज झाला आहे. 

हंसा, बाबूजी, प्रफुल, हिमांशू यांची कॉमेडी तुम्हाला नक्की पोट धरून हसवेल. ट्रेलरमध्ये गंमतीदारपणे पारेख कुटुंबाची पुन्हा ओळख करून दिली आहे. एका गुप्त मिशनसाठी पारेख कुटुंब पानथुंकिस्तानमध्ये गेल्याचे दिसते.या विनोदी चित्रपटाचे लेखक-दिग्दर्शक आशिष कपाडिया असून हॅट्स ऑफ प्रॉडक्शनने या चित्रपटाची निर्मिती केली आहे.  यंदाच्या दिवाळीत  १७ नोव्हेंबरला हा चित्रपट प्रदर्शित होणार आहे. या चित्रपटाद्वारे पुन्हा एकदा निखळ कॉमेडीचा तडका प्रेक्षकांना अनुभवयाला मिळणार आहे.

'खिचडी' हा एकमेव भारतीय सिटकॉम आहे, ज्यावर चित्रपट तयार केला होता.  'खिचडी' मालिकेचे 98 भाग असून सुमारे 2 वर्षे टीव्हीवर सुरू होती. ही मालिका मुंबईत राहणाऱ्या गुजराती कुटुंबाच्या जीवनावर आधारित आहे. याशिवाय 2005 मध्ये झटपट खिचडी हा 38 भागांचा शो देखील प्रसारित झाला होता. 2018 मध्ये खिचडी रिटर्न्स हा 23 भागांचा शो देखील आला होता.  आजही सोशल मीडियावर 'खिचडी' या मालिकेचे मीम्स पाहायला मिळतात. तर युट्यूबवर मालिकेच्या भागांना लाखोंमध्ये व्ह्युज आहेत.