Kiara Advani And Sidharth Malhotra : सिद्धार्थ-कियाराने लग्नात आलेल्या पाहुण्यांना दिलं हे स्पेशल गिफ्ट, व्हायरल होतोय फोटो

Kiara Advani And Sidharth Malhotra : कियाराने लग्नाचा एक रॉयल व्हिडीओ शेअर केला आहे आणि सध्या हा व्हिडीओ धुमाकूळ घालतोय. अशात कियारा व सिडच्या लग्नातील एक नोटही व्हायरल होतेय.

कियारा आडवाणी (Kiara Advani) आणि सिद्धार्थ मल्होत्रा (Sidharth Malhotra) आता पती पत्नी झाले आहेत. राजस्थानच्या जैसलमेर येथील सूर्यगढ पॅलेसमध्ये दोघांचा शाही विवाह सोहळा पार पडला. अगदी मोजक्या लोकांच्या उपस्थितीत कियारा व सिडने लग्नाच्या आणाभाका घेतल्या. सिद्धार्थ-कियाराचं शाही लग्न पाहून सर्वांचेच डोळे दिपले. कियाराने लग्नाचा एक रॉयल व्हिडीओ शेअर केला आहे आणि सध्या हा व्हिडीओ धुमाकूळ घालतोय. अशात कियारा व सिडच्या लग्नातील एक नोटही व्हायरल होतेय.

होय, लग्नातील सर्व पाहुण्यांना सिड व कियाराच्या वतीने एक खास नोट देत, त्यांचे आभार मानले गेलेत. आता या नोटमध्ये काय लिहिलंय, हे जाणून घेण्यास तुम्ही उत्सुक असालच.

View this post on Instagram

A post shared by KIARA (@kiaraaliaadvani)

तर या नोटमध्ये लिहिलंय की, “आमच्या लग्नाच्या दिवशी आमच्या आनंदात सहभागी होण्यासाठी तुमचे खूप खूप आभार. आम्ही खूप नशीबवान आहोत की आम्हाला तुमच्यासारखे कुटुंबीय, मित्र मिळाले. जे दूरवरून आमच्या आनंदात सहभागी होण्यासाठी इथे आले आहेत. आज विवाहित जोडप या नात्याने आमची पहिली संध्याकाळ आहे. प्लीज, ड्रिंक एन्जॉय करा, डान्स करा आणि सुंदर आठवणी तयार करा... सिड व कियारा ” या नोटसोबत कस्टमाइज व्हॅक्स सील स्टॅम्पही होता. त्यावर SK लिहिलेलं होतं. 

सिद्धार्थ दिल्लीचा असल्यानं काल म्हणजेच ९ तारखेला दिल्लीत ग्रॅंड रिसेप्शनचं आयोजन करण्यात आलं होतं. मात्र याचे फोटोही  समोर आले नाहीत. दिल्लीनंतर कियारा आणि सिद्धार्थ मुंबईतही रिसेप्शन ठेवणार आहे. मिळालेल्या माहितीनुसार सिड आणि कियारा यांचं हे रिसेप्शन १२ तारखेला म्हणजेच रविवारी होणार आहे. या रिसेप्शनला बॉलिवूड तसंच इतर क्षेत्रातली दिग्गज मंडळी हजेरी लावण्याची शक्यता आहे.