सलमानकडून सिंगल स्टेटस, तर शाहरुखकडून...; अजय देवगणला हवी आहे 'ही' गोष्ट

'कॉफी विथ करण ८'मध्ये अजय देवगण आणि रोहित शेट्टीने हजेरी लावली होती.

बॉलिवूड दिग्दर्शक करण जोहरच्या 'कॉफी विथ करण'च्या ८व्या सीझनला चांगला प्रतिसाद मिळत आहे. या शोमध्ये बॉलिवूडमधील अनेक सेलिब्रिटी सहभागी होतात. करण जोहर त्यांना प्रश्न विचारुन सेलिब्रिटींचे सीक्रेट जाणून घेत त्यांची पोलखोल करतो. या शोच्या नुकत्याच प्रसारित झालेल्या भागात बॉलिवूड अभिनेता अजय देवगण आणि प्रसिद्ध दिग्दर्शक रोहित शेट्टीने हजेरी लावली होती. 

करणच्या हटके प्रश्नांना रोहित आणि अजयने त्यांच्या खास शैलीत उत्तरं दिली. कॉफी विथ करण ८मध्ये करणने अजयला "सलमान खान आणि शाहरुख खान यांच्यापैकी कोणाचा बँक बॅलेन्स जास्त आहे?" असा प्रश्न विचारला. यावर अजय उत्तर देत म्हणाला, "शाहरुख खानकडे बँक बॅलेन्स जास्त असेल." त्यानंतर करणने अजयला सलमान खान, शाहरुख खान आणि अक्षय कुमारकडून कोणती एक गोष्ट घ्यायला आवडेल? असंदेखील विचारलं. 

करणच्या या प्रश्नाचं अजयने दिलखुलास पद्धतीने उत्तर दिलं. तो म्हणाला, "मला सलमानकडून सिंगल स्टेटस, शाहरुखकडून व्यवसायिक ज्ञान आणि अक्षयकडून ८ तास काम करण्याचं कॉन्ट्रॅक्ट आणि ४० दिवसात चित्रपटाचं शूटिंग संपवण्याची कला घ्यायला आवडेल." 

'कॉफी विथ करण'मध्ये अजयने लेक निसाच्या होणाऱ्या सततच्या ट्रोलिंगवरही भाष्य केलं. "मला हे आवडत नाही...आम्हाला हे आवडत नाही आणि तिलाही या गोष्टी आवडत नाहीत. पण, तुम्ही हे बदलू शकत नाही. त्यामुळे तुम्ही त्या गोष्टीवर प्रेम करता. काही लोक तुमच्याबद्दल वाईट बोलतात याचा अर्थ सगळेच तुमच्याबद्दल तोच विचार करतात असं नाही. त्यामुळे या गोष्टींनी काहीही फरक पडत नाही. तुम्ही चांगल्या गोष्टींबद्दल पोस्ट करता पण कोणीही ते वाचत नाही. सिनेइंडस्ट्रीमध्ये काम करत नसूनही ते स्वत:ला स्टार समजतात," अजय देवगण म्हणाला.