'कॉफी विथ करण ८'चा नवा प्रोमो रिलीज; 'हे' स्टार्स सांगणार बॉलिवूडची सीक्रेट्स

सर्वात लोकप्रिय शो 'कॉफी विथ करण 8' चा नवा प्रोमो समोर आला आहे.

बॉलिवूडमधील प्रसिद्ध निर्माता आणि दिग्दर्शक करण जोहरचा  सर्वात लोकप्रिय शो 'कॉफी विथ करण 8'  हा सध्या प्रेक्षकांच्या भेटीस येत आहे. करणच्या या टॉक शोवर वेगवेगळे बॉलिवूडसेलिब्रिटीज हजेरी लावतात आणि धमाल गप्पा-गॉसिप करतात. आतापर्यंत या सिझनमधील दोन एपिसोड प्रेक्षकांच्या भेटीला आहेत. पहिल्या एपिसोडमध्ये अभिनेता दीपिका-रणवीर सिंगने आणि दुसऱ्या एपिसोडमध्ये सनी देओल आणि बॉबी देओल पाहायला मिळाले. आता पुढच्या एपिसोडमध्ये कोण हजेरी लावणार याची उत्सुकता चाहत्यांना लागली आहे. तर प्रतिक्षा संपली असून या कार्यक्रमाचा नवा प्रोमो समोर आला आहे.

 

करण जौहरने 'कॉफी विथ करण 8' नवा प्रोमो आपल्या सोशल मीडियावर शेअर केला आहे. यात बॉलिवूडची बेबो अर्थात करिना कपूर, आलिया भट्ट, सारा अली खान, अनन्या पांडे, अजय देवगन, काजोल आणि राणी मुखर्जी पाहायला मिळत आहेत. या प्रोमोमध्ये अजय देवगण करण जोहरबद्दल मोठा खुलासा करताना दिसत आहे. जेव्हा करणने अजयला विचारले की इंडस्ट्रीत त्याचा शत्रू कोण आहे, तेव्हा अजय म्हणतो की, एकेवेळी तू होतास. आता पुढच्या एपिसोडमध्ये कोण-कोण काय खुलासे करणार याकडे चाहत्यांचे लक्ष आहे. 

जुलै महिन्यात करणचा कॉफी विथ करण शोचा सातवा सीझन आला होता. पहिल्या एपिसोडपासूनच या शोला प्रेक्षकांनी डोक्यावर घेतलं. आलिया भट्ट आणि रणवीर सिंह हे पहिल्या एपिसोडचे गेस्ट होते. त्यानंतर अक्षय कुमार, सामंथा, विकी कौशल, कतरिना कैफ, विजय देवरकोंडा, अनन्या पांडे यांच्यासह अनेक सेलिब्रिटींनी हजेरी लावली. आता चाहत्यांच्या नजरा पुन्हा एकदा 'कॉफी विथ करण सीझन 8'कडे खिळल्या आहेत. प्रेक्षक 'कॉफी विथ करण सीझन 8' हे OTT प्लॅटफॉर्म Disney+ Hotstar वर पाहू शकतात.