हे जरा अतीच झालं! विजय देवरकोंडाच्या पोस्टरला चाहत्यांनी चक्क दारूनं घातली आंंघोळ
By ऑनलाइन लोकमत | Published: January 19, 2021 12:46 PM2021-01-19T12:46:15+5:302021-01-19T12:47:08+5:30
पाहा, व्हायरल व्हिडीओ
हे जरा अतीच झालं! विजय देवरकोंडाच्या पोस्टरला चाहत्यांनी चक्क दारूनं घातली आंंघोळ
Next साऊथ सुपरस्टार विजय देवरकोंडाचा बहुप्रतिक्षीत ‘लायगर’ या सिनेमाचा फर्स्ट लूक काल सोमवारी रिलीज करण्यात आला आणि हा लूक पाहून विजय देवरकोंडाचे चाहते अक्षरश: सैराट झालेत. चाहत्यांनी असे काही केले की, सगळेच थक्क झालेत.
साऊथच्या क्रेजी चाहत्यांनी फटाके फोडले, काहींनी केक कापला, काहींनी या विजयच्या या सिनेमाच्या नावाचा टॅटू काढला. हे कमी की काय म्हणून काही कट्टर चाहत्यांनी चक्क ‘लायगर’च्या पोस्टरला दारूने आंघोळ घातली. क्रेजी फॅन्सच्या या एकापेक्षा एक भारी प्रतापाचे अनेक व्हिडीओ सध्या सोशल मीडियावर व्हायरल होत आहेत.
Don't waste water
— Saala Crossbreed (@Rowdyfan_Dinesh) January 18, 2021
Don't waste Milk
But you can waste Beerss
Beer Abhishekam for our #Liger@TheDeverakonda#VijayDeverakonda@Charmmeofficial@PuriConnects@TeamDeverakondapic.twitter.com/gtQfDkAe9J
विजय देवरकोंडा हा टॉलिवूडचा मेगास्टार आहे. अर्जुन रेड्डी, गीता गोविंदम, टॅक्सीवाला सारखे अनेक सुपरहिट सिनेमे त्याने दिले आहेत. याआधी रिलीज झालेला ‘वर्ल्ड फेमस लवर’ हा त्याचा सिनेमा फार कमाल दाखवू शकला नाही. पण याऊपर त्याच्या चाहत्यांची त्याच्याबद्दलची दिवानगी कमी झाली नाही.
Denemma idhekkadi Cross Breed fans ra 😒😂😂#LIGER RA KUTHES 😑😑 https://t.co/OmSWLG2ySc
— mani arrogant🚶 (@PkFanRaLucha) January 18, 2021
विजयच्या ‘लायगर’ या सिनेमाकडून चाहत्यांना प्रचंड अपेक्षा आहेत. या सिनेमाचे दिग्दर्शन पुरी जगन्नाथ यांनी केले आहे. ‘लायगर’मध्ये विजय देवरकोंडा आणि अनन्या पांडे आहे.
अनन्या पहिल्यांदाच विजय देवरकोंडा सोबत काम करताना दिसणार आहे. त्या दोघांची केमिस्ट्री रुपेरी पडद्यावर पाहणे इंटरेस्टिंग ठरणार आहे. या चित्रपटाच्या निमित्ताने विजय देवरकोंडा बॉलिवूडमध्ये डेब्यू करतोय.
Madness begins🔥😍 with #liger#chittoorrowdies celebration @TheDeverakonda@Charmmeofficial@Rowdyfan_Dinesh@RowdyDeena@Rowdy_Riopic.twitter.com/Z1oWEeRN73
— Saala Crossbreed (@vjd_anand) January 18, 2021
विजय देवरकोंडा आणि अनन्या पांडेसह यात रम्या कृष्णन, रोनित रॉय, विशु रेड्डी, आली आणि गेटअप श्रीनु मुख्य भूमिकेत आहेत. या चित्रपटाची निर्मिती धर्मा प्रॉडक्शनसह पुरी जगन्नाथ, अपूर्व मेहता आणि अभिनेत्री चार्मी कौर यांनी केली आहे.