'तुझे रडायचे दिवस आता सुरू झालेत पापा जो..,', कंगनाने पुन्हा घेतला करण जोहरशी ‘पंगा’!

Lock Upp : कंगना राणौत  (Kangana Ranaut) आणि करण जोहर (Karan Johar) यांच्यातील ‘वॉर’ आत्ताचं नाही. करणवर निशाणा साधण्याची एकही संधी कंगना सोडत नाही.

कंगना राणौत  (Kangana Ranaut) आणि करण जोहर (Karan Johar) यांच्यातील ‘वॉर’ आत्ताचं नाही. करणवर निशाणा साधण्याची एकही संधी कंगना सोडत नाही. करण तिच्याकडे फारसं लक्ष देत नाही. पण तरिही कंगनाचा बोलायचं थांबत नाही. आता पुन्हा एकदा कंगनाने करणला लक्ष्य करत, एक इन्स्टास्टोरी शेअर केली आहे. कंगनाने करणचं नाव घेतलेलं नाही. पण तिचा इशारा कुणाकडे आहे, समजायला वेळ लागत नाही.
कंगना सध्या ‘लॉकअप’ (Lock Upp) हा शो होस्ट करतेय आणि या शोनं 200 मिलियन व्ह्युजचा आकडा पार केला आहे. हीच संधी साधत कंगनाने करणला घेरलं आहे. ‘पापा जो तुम्हारे रोने के दिन आ गए है,’ असं म्हणत तिने करणला चॅलेंज केलं आहे.

इन्स्टास्टोरीवर तिने एक पोस्ट शेअर केली आहे. ती लिहिते, ‘लॉक अप शोने 200 मिलियन ह्युजचा आकडा पार केला आहे आणि  सर्व चंगू/मंगू सेना/ क्रूएलाची मीडिया आणि पापा जो चोरून लपून रडणार आहेत. त्यांनी इतकं करूनही बघा 200 मिलियनपर्यंत पोहोचलोच. आता पुढे बघा आणखी काय काय होतं? तुझे रडण्याचे दिवस आले आहेत पापा जो... ’

कंगना राणौत आणि करण जोहर यांच्यातील वाद सगळ्यांनाच ठाऊक आहे. नेपोटिजमच्या मुद्यावरून अर्थात बॉलिवूडमधील घराणेशाहीच्या मुद्यावरून कंगना व करणमध्ये चांगलीच जुंनली होती. करणच्याच ‘कॉफी विद करण’ या चॅट शोमध्ये येऊन कंगनाने त्याला ‘मुव्ही माफिया’ म्हटलं होतं. कंगनाचा हा घाव करणच्या चांगल्याच जिव्हारी लागला होता. तेव्हापासून या मुद्यावर करण व कंगना या दोघांमध्ये चांगलीच तणाताणी सुरु असते. 2017 मध्ये न्यूयॉर्कमध्ये रंगलेल्या  आयफा अवार्ड सोहळ्यातही याचा एक अध्याय गाजला होता.  आयफा अवार्ड होस्ट करणाºया करणने या सोहळ्याच्या मंचावर कंगनाला डिवचायची एकही संधी सोडली नव्हती.