Lost Trailer: यामी गौतमच्या 'लॉस्ट' चित्रपटाचा ट्रेलर रिलीज, तुम्ही पाहिलात का?

Lost Trailer: 'लॉस्ट' या चित्रपटात यामी गौतम पत्रकाराच्या भूमिकेत आहे. एका सत्यघटनेवर आधारित सिनेमाचा हा ट्रेलर खिळवून ठेवतो...

Lost Trailer: बॉलिवूड अभिनेत्री यामी गौतमचा (Yami Gautam) नवा सिनेमा रिलीज होतोय. लॉस्ट नावाचा हा सिनेमा येत्या १६ फेब्रुवारीला Zee 5 या ओटीटी प्लॅटफॉर्मवर रिलीज होतोय. त्याआधी या चित्रपटाचा ट्रेलर रिलीज झाला आहे. २ मिनिटं १९ सेकंदाच्या या ट्रेलरची सुरूवात होते ती बेपत्ता लोकांच्या विषयापासून. होय, भारतात दररोज दर २ मिनिटाला ८८५ लोक हरवतात, बेपत्ता होतात. यामी गौतम या चित्रपटात पत्रकाराच्या भूमिकेत आहे. एका सत्यघटनेवर आधारित सिनेमाचा हा ट्रेलर खिळवून ठेवतो.

ईशान नावाचा एक मुलगा बेपत्ता होतो. यामी गौतम या केसशी जुळते. यादरम्यान तिच्यावर अनेक प्रकारचा दबाव येतो. तिच्या जीवावर बेतते. पण यामी गौतम या प्रकरणाचा छडा लावण्याचा निर्धार करते. सिनेमात पुढे काय घडतं, त्याचीच कथा चित्रपटात पाहायला मिळणार आहे. ट्रेलरमध्ये यामी गौतमसोबत पंकज कपूर मुख्य भूमिकेत आहेत. याशिवाय राहुल खन्ना, नील आणि तुषार पांडे यासारखे अनेक स्टार्स चित्रपटात आहेत. लॉस्ट हा सिनेमा गोव्यात आयोजित ५३ व्या इंटरनॅशनल फिल्म फेस्टिवलमध्ये दाखवला गेला होता. या सिनेमाचं अनेकांनी कौतुक केलं होतं.

याआधी यामी गौतम अ थर्डडे या सिनेमात झळकली होती. तिचा हा सिनेमाही ओटीटीवर रिलीज झाला होता. लॉस्ट हा सिनेमाही ओटीटीवर रिलीज होतोय.