महेश बाबूवर नाराज झालेत रश्मिका मंदानाचे फॅन्स, म्हणाले - अण्णा, हे बरोबर नाही केलंस?
By ऑनलाइन लोकमत | Published: January 6, 2022 12:27 PM2022-01-06T12:27:57+5:302022-01-06T12:28:23+5:30
Mahesh Babu annoyed Rashmika Mandanna’s fans: महेश बाबूने असं काय केलं की बिथरले रश्मिकाचे फॅन्स? जाणून घ्या काय आहे भानगड
महेश बाबूवर नाराज झालेत रश्मिका मंदानाचे फॅन्स, म्हणाले - अण्णा, हे बरोबर नाही केलंस?
Next साऊथ सुपरस्टार महेश बाबू (Mahesh Babu) हा टॉलिवूडचा नंबर 1 चा स्टार मानला जातो. अनेकदा चाहते महेश बाबूची तुलना पवन कल्याण किंवा मग अल्लू अर्जुनशी करतात. अनेकदा नंबर 1 कोण? यावरून चाहते भांडतानाही दिसतात. पण सध्या प्रकरण जरा वेगळं आहे. होय, महेश बाबूने पवन कल्याण वा अल्लू अर्जुनच्या चाहत्यांना नाही तर एका आघाडीच्या अभिनेत्रीच्या फॅन्सला नाराज केलं आहे. ही अभिनेत्री कोण तर रश्मिका मंदाना (Rashmika Mandanna). रश्मिकाचे फॅन्स महेश बाबूवर चांगलेच बिथरले आहेत.
अल्लू अर्जुन व रश्मिकाचा ‘पुष्पा’ (Pushpa) हा सिनेमा सध्या बॉक्स बॉक्स ऑफिसवर किती धुमाकूळ घालतोय, हे तुम्हाला ठाऊक आहेच. तर महेश बाबूनेही हा सिनेमा पाहिला आणि सिनेमा पाहिल्यानंतर त्याने अल्लू अर्जुनवर (Allu Arjun) अक्षरश: कौतुकाचा वर्षाव केला. ट्विट करत त्याने आपल्या भावना व्यक्त केल्या. स्टनिंग, ओरिजनल, सेन्सेशनल अशा शब्दांत महेशबाबूने ‘पुष्पा’चं कौतुक केलं. या चित्रपटात अल्लू अर्जुनने केलेल्या अभिनयाचीही त्याने प्रशंसा केली. अगदी चित्रपटाचे दिग्दर्शक सुकुमार आणि चित्रपटाचे संगीतकार देवी श्री प्रसाद यांच्याबद्दलही कौतुकाचे शब्द लिहिलेत. पण रश्मिका मंदानाला मात्र महेशबाबू विसरला. नेमकी हीच गोष्ट रश्मिकाच्या चाहत्यांना खटकली.
.@ThisIsDSP what can I say.. you’re a rock star!! Congrats to the entire team of @MythriOfficial. Proud of you guys!
— Mahesh Babu (@urstrulyMahesh) January 4, 2022
महेशबाबूने रश्मिकाला पूर्णपणे असं इग्नोर करणं, ही गोष्ट चाहत्यांच्या पचनी पडली नाही. मग काय चाहत्यांनी सोशल मीडियावर आपला संताप व्यक्त केला.
Sir @iamRashmika is the main lead of the movie
— Rashmika Karnataka Fc 🤍 (@RoshKarnatakaFc) January 4, 2022
Rashmika ni mention cheyle enti bro? 🥺 pic.twitter.com/GXnuIVdGIQ
— Muthayyab Ali™️ (@immali14) January 4, 2022
सर, रश्मिकाला विसरलांत का? ती या चित्रपटात मुख्य भूमिकेत होती, तिनेही चांगलं काम केलं, अशा शब्दांत चाहत्यांनी महेशबाबूला रश्मिकाची आठवण करून दिली.
महेश बाबूने रश्मिकासोबत ‘सरिलरू नीकेवरू’ या सिनेमात काम केलं आहे. 2020 मध्ये रिलीज झालेला हा सिनेमा सुपरडुपर हिट झाला होता.
सुपरस्टार महेश बाबू सध्या ‘सरकारी वारी पाटा’ या सिनेमाच्या शूटींगमध्ये बिझी आहे. याशिवाय दिग्दर्शक एस एस राजमौली यांच्या एका सिनेमातही महेश बाबू झळकणार आहे.