महेश बाबूच्या नव्या चित्रपटाच्या टीजरने केले रेकॉर्ड; २४ तासांत ६० लाखांपेक्षा अधिक मिळाल्या हिट्स!

सुपरस्टार महेश बाबूच्या आगामी चित्रपटाने एक आगळेवेगळे रेकॉर्ड केले असून, केवळ २४ तासांत ६० लाखांपेक्षा अधिक लोकांनी हा टीजर बघितला आहे.

त�

��लगू सुपरस्टार महेश बाबू त्याच्या आगामी ‘भरत अना नेनू’ या चित्रपटामुळे चर्चेत आहे. चित्रपटाचा टीजर नुकताच रिलीज करण्यात आला असून, त्यामध्ये महेश बाबू सीएम पदाची शपथ घेताना बघावयास मिळत आहे. टीजरमध्ये दमदार भाषण देतानाचा महेश बाबूचा अंदाज चाहत्यांकडून तुफान पसंत केला जात आहे. याच कारणामुळे सध्या या चित्रपटाचा टीजर सर्वत्र व्हायरल होताना दिसत आहे. विशेष म्हणजे या टीजरच्या नावावर एका रेकॉर्डची नोंद झाली असून, केवळ २४ तासांतच चित्रपटाचा टीजर सहा मिलियनपेक्षा अधिक लोकांनी बघितला आहे. महेश बाबूचा हा चित्रपट २७ एप्रिलला सर्वत्र प्रदर्शित होणार होता. मात्र याचदिवशी सुपरस्टार रजनीकांत यांचा ‘काला’ हा चित्रपट प्रदर्शित होणार असल्याने निर्मात्यांनी रिलीज डेट पुढे ढकलली आहे. आता हा चित्रपट ४ मे रोजी रिलीज होणार आहे. 

दरम्यान, टीजरमध्ये भाषण देताना महेश बाबू म्हणतो की, ‘जेव्हा मी लहान होतो तेव्हा माझ्या आईने मला सांगितले होते की, जे वचन दिले आहे ते पूर्ण कर, जर तू असे करीत नाहीस तर तुझ्यात माणुसकी नाही. खूप वर्ष झाली आहेत, परंतु आईचा सल्ला मी अजूनही विसरलो नाही. मी माझ्या आयुष्यात अनेक अडचणींचा सामना केला, परंतु मी माझे वचन विसरलो नाही. कारण मी एक माणूस आहे.’ चित्रपटाचा टीजर डीडीवी एंटरटेन्मेंटद्वारा शेअर करण्यात आला आहे. 



महेश बाबू स्टारर ‘भरत अना नेनू’मध्ये कियारा अडवाणीदेखील बघावयास मिळणार आहे. हा एक पॉलिटीकल थ्रिलर चित्रपट आहे. चित्रपटाचा टीजर बघितल्यानंतर लगेचच लक्षात येते की, चित्रपटात ड्रामा, अ‍ॅक्शन आणि सामाजिक मुद्दा उठविण्यात आला आहे. कोरलाला शिव यांनी चित्रपटाचे दिग्दर्शन केले असून, या अगोदर अखेरीस महेश बाबू आणि कोरलाला शिव यांनी २०१५ मध्ये ‘श्रीमंथुडु’ या चित्रपटात काम केले होते. चित्रपटात महेश बाबूसोबत अभिनेत्री श्रुती हासन हिची प्रमुख भूमिका होती. हा चित्रपट बॉक्स आॅफिसवर ब्लॉकबस्टर ठरला होता. आता अशीच अपेक्षा या चित्रपटाकडूनही व्यक्त केली जात आहे.