वयाच्या ५२ व्या वर्षी भाग्यश्रीने केलं स्विमिंग पूलमध्ये बोल्ड फोटोशूट; Photo पाहून नेटकरी सैराट

Bhagyashree: भाग्यश्रीने शेअर केलेल्या फोटोमध्ये तिने मोनोकिने परिधान केली आहे. सोबतच ती स्विमिंग पूलमध्ये बसून पाण्याचा आनंद घेत आहे.

'मैंने प्यार किया' (maine pyar kiya) या चित्रपटाच्या माध्यमातून प्रेक्षकांच्या भेटीला आलेली अभिनेत्री म्हणजे भाग्यश्री(Bhagyashree). उत्तम अभिनयशैली आणि सौंदर्य यांच्या जोरावर भाग्यश्रीने प्रत्येक तरुणाच्या मनावर राज्य केलं. विशेष म्हणजे आज भाग्यश्रीने वयाची ५० वर्ष पार केली आहेत. मात्र, तरीदेखील तिची लोकप्रियता यत्किंचितही कमी झालेली नाही. आजही भाग्यश्री तिच्या सौंदर्यामुळे अनेक अभिनेत्रींवर मात करते. त्यातच तिने अलिकडे स्विमिंग पूलमध्ये एक फोटोशूट केलं आहे.

सोशल मीडियावर सक्रीय असणाऱ्या भाग्यश्रीने अलिकडेच तिचे काही फोटो इन्स्टाग्रामवर शेअर केले आहेत. या फोटोमध्ये भाग्यश्री प्रचंड बोल्ड दिसत असून वय हा निव्वळ आकडा आहे हे तिच्याकडे पाहिल्यावर लक्षात येतं. 

भाग्यश्रीने शेअर केलेल्या फोटोमध्ये तिने मोनोकिने परिधान केली आहे. सोबतच ती स्विमिंग पूलमध्ये बसून पाण्याचा आनंद घेत आहे. हा फोटो शेअर करत तिने त्याला साजेसं कॅप्शनही दिलं आहे. 

"मी खरोखरच मीन राशीची आहे. मला पाणी प्रचंड आवडतं. मग तो महासागर असो, समुद्र, नदी वा तलाव. लाटांचा आवाज, पाण्याचे तरंग, पाण्याचे शिंतोडे..हे सारं काही मला प्रचंड आवडतं. पाण्याचा आवाज, त्याचा स्पर्श आणि प्रत्यक्ष पाणी पाहिलं की माझ्या संवेदना जाग्या होतात. हे पाणी माझं मन प्रफुल्लित करतं, शरीराला टवटवीत करतं आणि माझ्या मनाला शांतताही देतं",असं कॅप्शन भाग्यश्रीने या फोटोला दिलं आहे.

दरम्यान, भाग्यश्री लवकरच प्रभास आणि पूजा हेगडे यांची मुख्य भूमिका असलेल्या 'राधेश्याम' चित्रपटात झळकणार आहे. यापूर्वी ती 'थलायवी' या चित्रपटात झळकली होती.