अरबाजसोबत दिसली मलायका अरोरा; गेट-टुगेदरमध्ये 'सासूबाईं'नी केलं 'जावया'चं कोडकौतुक

मलायका अरोरा (Malaika Arora) सर्रास बॉयफ्रेन्ड अर्जुन कपूरसोबत दिसते. कधी डिनर, कधी पार्टी, कधी हॉलिडेच्या निमित्ताने दोघेही बाहेर पडतात. पण काल रविवारचा दिवस खास होता.

ठळक मुद्देमलायका व अरबाजने 2017 साली घटस्फोट घेतला. 19 वर्षे एकत्र संसार केल्यानंतर दोघांनी घटस्फोटाचा निर्णय घेतल्याने अनेकांना आश्चर्याचा धक्का बसला होता.

मलायका अरोरा (Malaika Arora) सर्रास बॉयफ्रेन्ड अर्जुन कपूरसोबत दिसते. कधी डिनर, कधी पार्टी, कधी हॉलिडेच्या निमित्ताने दोघेही बाहेर पडतात. पण काल रविवारचा दिवस खास होता. होय, मलायका अर्जुन कपूरसोबत नाही तर तिचा एक्स हसबण्ड अरबाज खानसोबत  (Arbaaz Khan) होती.  अरबाज खान व त्याची एक्स-वाईफ मलायका अरोरा रविवारी एकत्र दिसले. निमित्त होते, फॅमिली लंचचे. मलायका व अरबाजसोबत त्यांचा मुलगा अरहानही दिसला. इतकेच नाही तर मलायकाची आई, शिवाय तिची बहीण अमृता अरोरा, तिचा मुलगा रेयान यांचीही त्यांना सोबत मिळाली. या फॅमिली गेट टुगेदरचे फोटो सध्या सोशल मीडियावर व्हायरल होत आहेत.

लंचसाठी मुंबईच्या एका हॉटेलात सर्वजण एकत्र जमले. यावेळी सर्वांच्या चेह-यावरचा आनंद बघण्यासारखा होता. मलायकाची आई तर अरबाजला भेटून सर्वाधिक आनंदी दिसली. लंच करून बाहेर पडत असताना सर्वांनी कॅमे-याला पोज दिल्यात.

मलायकाच्या आईने लेकीसोबत पोज दिली नाही. मात्र जावई अरबाजचा निरोप घेताना ती जरा भावुक झालेली दिसली. अरबाजला बोलवून मलायकाच्या आईने त्याला मायेने जवळ बोलवले शिवाय तितक्याच मायेने गालाचे अतिशय मायेने चुंबन घेतले. हा सुंदर क्षण पापाराझींच्या कॅमे-यात कैद झाला नसेल तर नवल. यावेळी मलायकाने ब्लॅक स्कर्ट व व्हाईट टी-शर्ट, शिवाय रेड बूट घातले होते.  

मलायका व अरबाजने 2017 साली घटस्फोट घेतला. 19 वर्षे एकत्र संसार केल्यानंतर दोघांनी घटस्फोटाचा निर्णय घेतल्याने अनेकांना आश्चर्याचा धक्का बसला होता. या कपलला 18 वर्षांचा मुलगा आहे. मलायका सध्या अर्जुन कपूरला डेट करतेय तर अरबाज जॉर्जिया एंड्रियानीसोबत रिलेशनशिपमध्ये आहे.

नेटक-यांनी केलं ट्रोल
मलायकाच्या आईने जावयबुवांचे इतके कोडकौतुक करताना पाहून नेटक-यांनी वेगवेगळ्या प्रतिक्रिया दिल्या. फॅमिली वेगळी झाली मग हे रियुनियनचे नाटक का? असे एका युजरने लिहिले. याला म्हणतात घटस्फोट, अशा शब्दांत एका युजरने अरबाज-मलायकाला ट्रोल केले. काहींना हा व्हिडीओ पाहून अर्जुन कपूरची आठवण झाली.