"...ही तर शकीरा-बियॉन्सेची बोगस कॉपी", ‘छैय्या छैय्या’ गाण्यावर मलायका-नोराच्या 'फेस-ऑफ'ची नेटिझन्सकडून 'फिरकी'!

Malaika Arora And Nora Fatehi Face off : मलायका अरोरा व नोरा फतेही या दोघीही अगदी तोडीस तोड. पण सध्या दोघीही सोशल मीडियावर जबरदस्त ट्रोल होत आहेत.

Malaika Arora And Nora Fatehi Face off : मलायका अरोरा (Malaika Arora ) व नोरा फतेही (Nora Fatehi) या दोघीही अगदी तोडीस तोड. पण सध्या दोघीही सोशल मीडियावर जबरदस्त ट्रोल होत आहेत. 1998 साली मलायका ‘छैय्या छैय्या’ गाण्यावर शाहरूखसोबत थिरकली होती. तेव्हापासून आजपर्यंत अनेकांनी मलायकाच्या डान्स मुव्ह्स कॉपी केल्या. आता याच गाण्यावर मलायका आणि नोरा दोघींनी ‘फेस ऑफ’ केला. म्हणजे, एकमेकींना चॅलेंज देत डान्स केला. अर्थात टिपिकल लहंग्यात नाही तर या डान्स चॅलेंजमध्ये मलायका व नोरा दोघीही हॉट शॉर्ट ड्रेसमध्ये दिसल्या. दोघींचा डान्सही सुपर हॉट. पण इतकं करूनही चाहत्यांना मात्र मलायका व नोराचा हा अंदाज आवडला नाही. मग काय? दोघीही प्रचंड ट्रोल झाल्या.

View this post on Instagram

A post shared by Disney+ Hotstar (@disneyplushotstar)

नोरा फतेहीने या फेस ऑफची एक क्लिप तिच्या इन्स्टाग्रामवर शेअर केली. ही व्हिडीओ क्लिप पाहून काहीजण नोरा व मलायकाच्या प्रेमात पडले. पण काहींनी मात्र दोघींनाही शकीरा व बियॉन्सेची सस्ती कॉपी म्हणत सुनावलं.

शकीरा व बियॉन्सेची नक्कल करणं बंद करा, अशी कमेंट एका युजरने केली. काय यार तुम्ही, काही तर ओरिजनल करा, असं एका युजरने लिहिलं आहे. एक स्वत:ला शकीरा समजते आणि दुसरी बियॉन्से, अशा शब्दांत एका युजरने मलायका व नोराला ट्रोल केलं.
2006 मध्ये ‘ब्युटिफुल लायर’ या गाण्यावर बियॉन्से व शकीरा एकत्र थिरकल्या होत्या. आज 13 वर्षानंतरही हे गाणं लोक विसरू शकलेले नाही. आजपर्यंतची सर्वात बेस्ट कोरिओग्राफी म्हणून या व्हिडीओकडे पाहिलं जातं.