मस्तानी दीपिका पादुकोणला शकिराने दिली टक्कर; ‘घुमर’ गाण्यावर केला तुफान डान्स!

आगामी ‘पद्मावती’ या चित्रपटात दीपिकाने ‘घुमर’ गाण्यावर डान्स करून प्रेक्षकांच्या डोळ्याचे पारणे फेडले आहे. परंतु शकिरा आता याच गाण्यावर ठुमके लावत असल्याने प्रेक्षक घायाळ झाले आहेत. वाचा सविस्तर!

स�

��्या सोशल मीडियावर कुठली गोष्ट व्हायरल होईल हे सांगणे मुश्किल आहे. आता हेच पहा ना बॉलिवूडची मस्तानी दीपिका पादुकोण, रणवीर सिंग आणि शाहिद कपूर स्टारर ‘पद्मावती’मधील लोकप्रिय ‘घुमर’ या गाण्यावर चक्क हॉलिवूड सिंगर शकिरा ठुमके लावताना दिसत आहे. सध्या तिचा हा घुमर डान्स सोशल मीडियावर प्रचंड व्हायरल होत आहे. या गाण्यामध्ये दीपिकाने १० किलोचा लेहंगा परिधान करून जबरदस्त डान्स केला आहे. परंतु शकिराने केवळ आपली कंबर हलवून असे काही ठुमके लावले की, जणू काही नेटिझन्स घायाळ झाले आहेत. सध्या शकिराचा हा ‘घुमर’ डान्स सोशल मीडियावर प्रचंड पसंत केला जात आहे. 



संजय लीला भन्साळी दिग्दर्शित ‘पद्मावती’मधील जेव्हा ‘घुमर’ हे गाणे रिलीज करण्यात आले तेव्हा त्यातील दीपिकाच्या डान्सने सगळ्यांनाच वेड लावले. दीपिकाच्या अदा घायाळ करणाºया असून, तिचा डान्स डोळ्याचे पारणे फेडणारा ठरत आहे. मात्र आता दीपिकाला चक्क शकिरा टक्कर देताना दिसत आहे. सोशल मीडियावर व्हायरल होत असलेल्या या गाण्यात शकिरा ‘घुमर’ या गाण्यावर ठुमके लावताना दिसत आहे. वास्तविक दीपिकाचे ‘घुमर’ गाणे शकिराच्या एका गाण्याशी मॅश-अप करण्यात आले आहे. परंतु अशातही शकिराच्या अदा बघून प्रेक्षक घायाळ होत आहेत. 



त्यामुळेच या गाण्याला आता शकिराचा घुमर डान्स असे म्हटले जात आहे. नेटिझन्स या मॅश-अपला प्रचंड पसंत करीत आहेत. त्यामुळेच हा व्हिडीओला केवळ दोनच दिवसांत ४० हजार हिट्स मिळाल्या आहेत, तर जेव्हा हा व्हिडीओ यू-ट्यूबवर रिलीज करण्यात आला तेव्हा त्याला ४० मिलियन व्ह्यूज मिळाले.