टायगर श्रॉफकडून मायकल जॅक्सनला नृत्यांजली; टायगरसोबत नागपूरकरांनीही धरला ठेका!!

ब�

��लिवूडचा डान्सिंग स्टार टायगर श्रॉफ याने दिवंगत पॉपस्टार मायकल जॅक्सन याला आपल्या खास नृत्य शैलीतून श्रद्धांजली वाहिली आहे. नागपूरमधील कोराडी मार्गावरील मानकापूर येथील विभागीय क्रीडा संकुलातील इनडोअर स्टेडिअममध्ये आयोजित केलेल्या कार्यक्रमात टायगरचा हा नृत्याविष्कार बघावयास मिळाला. लोकमत आणि प्रीती आयआयटी पिनॅकल यांच्या सहयोगाने या कार्यक्रमाचे आयोजन केले होते. 

आगामी ‘मुन्ना मायकल’ या चित्रपटातून टायगर आपल्या तुफान डान्सच्या अदा दाखविणार आहे. त्याची काहीशी झलक या कार्यक्रमात बघावयास मिळाली. टायगरने अभिनेत्री निधी अग्रवालसोबत असा काही ठेका धरला की, ज्यामुळे नागपूरकरांचे चांगलेच मनोरंजन झाले. टायगरच्या दिलखेच अदा घायाळ करणाºया होत्या. यावेळी नागपूरकरांनी हा कार्यक्रम एन्जॉय करताना ‘मुन्ना मायकल’च्या कलाकारांसोबत सेल्फी काढण्याचाही आनंद घेतला आहे. 



दरम्यान टायगरने ‘लोकमत’चे आभार मानताना म्हटले की, ‘लोकमत’ने आंतरराष्ट्रीय नृत्यसम्राट मायकल जॅक्सनला अनोख्या प्रकारे श्रद्धांजली वाहण्याची संधी दिली त्याबद्दल धन्यवाद. याचबरोबर माझा आगामी चित्रपट ‘मुन्ना मायकल’चे इतक्या मोठ्या संख्येने नागपूरकरांनी स्वागत केले त्यामुळे माझा आनंद द्विगुणित झाला आहे. या कार्यक्रमातून मला माझ्या पुढील वाटचालीसाठी नवी ऊर्जा मिळाली आहे. यावेळी टायगरसमवेत अभिनेत्री निधी अग्रवाल उपस्थित होती. सोबतच सुप्रसिद्ध गायक सिद्धार्थ महादेवन हे देखील कार्यक्रमाचे विशेष आकर्षण होते. यावेळी सिद्धार्थ महादेवन यांनी चित्रपटांतील सुपरहीट गाण्यांचे सादरीकरण केले. त्यावर टायगरने केलेल्या डान्सने नागपूरकरांनीही ठेका धरण्यास भाग पाडले. 

कार्यक्र माला मोदी लेन्स मॉल प्रा. लि. उमंग ग्रुप (उमंग गीताई गर्ल्स कॉलेज), पिकर आॅॅनलाइन आणि कुसुमताई बोदड लोकसेवा प्रतिष्ठानचे शशिकांत बोदड यांचे सहकार्य लाभले. हॉस्पिटॅलिटी पार्टनर म्हणून हॉटेल सेंटर पॉईंटचे सहकार्य मिळत आहे. टायगरचा आगामी चित्रपट मुन्ना मायकल २१ जुलै रोजी प्रदर्शित होणार आहे. इरॉस इंटरनॅशनल आणि विकी राजानी हे या सिनेमाचे निर्माता आहेत, तर सब्बीर खान हे दिग्दर्शक आहेत.