मिलिंद सोमणसह सेल्फी हवाय, तर करावी लागेल ही गोष्ट, पाहा त्याच्या एका जबरा फॅनचा हा खास व्हिडीओ

मिलिंद सोमणच्या प्रत्येक फॅन्सची काही ना काही खास बात असते. मुळात मिलिंद सोमणसह फोटो हवा असेल तर तो इतका सहजा सहजी मिळत नाही.

सेलिब्रिटींवर फॅन्स जीव ओवाळून टाकतात. फॅन्सदेखील वेगवेगळ्या पद्धतीने आपल्या लाडक्या कलाकारावरील प्रेम व्यक्त करताना दिसतात. मिलिंद सोमणचेही जगभरात फॅन्स आहेत. त्याच्या प्रत्येक फॅन्सची काही ना काही खास बात असते. मुळात मिलिंद सोमणसह फोटो हवा असेल तर तो इतका सहजा सहजी मिळत नाही. कारण मिलिंदसह फोटो हवा असेल तर १० पुशअप्स मारण्याची अट तो ठेवतो. ती अट मान्य केली तरच तुम्हाला त्याच्यासह सेल्फी काढण्याची संधी मिळते. गेल्या कित्येक वर्षापासून मिलिंदचा हा नियमच आहे. 

मिलिंद सोमणच्या एका फॅन्सचा असा व्हिडीओ व्हायरल झाला आहे. महिला भररस्त्यात पुशअप्स मारताना दिसते. त्याचे झाले असे की, मिलिंद सोमणला पाहताच या महिलेनेही त्याच्यासह सेल्फी काढण्याची मागणी केली. मिलिंदनेही सेल्फीसाठी होकार दिला. पण त्याआधी एक अट ठेवली. ती अट होती १० पुशअप्स मारायची. महिलेने देखील मिलिंद सोमणचीही अट मान्य केली. 

महिलेने भररस्त्यात १० पुशअप्स पूर्ण केल्या आणि मिलिंद सोमणसह सेल्फी काढला. महिलेने मिलिंद सोमणची अट मान्य केली आणि त्याच्या सांगण्यावरुन पुशअप्स मारल्या हे पाहून मिलिंद सोमणची ही महिला ख-या अर्थाने जबरा फॅन ठरली आहे. महिला मिलिंद सोमणची किती मोठी चाहती आहे हे या व्हिडीओवरुन स्पष्ट होते. खुद्द मिलिंदने महिलेचा व्हिडीओ सोशल मीडियावर शेअर केला आहे.महिलेचेही कौतुक केले आहे. मुळात फिट राहाण्यासाठी मिलिंद प्रत्येकालाच प्रेरणा देत असतो. सध्या हा व्हिडीओ सोशल मीडियावर प्रत्येकाचे लक्ष वेधून घेत आहे.

View this post on Instagram

A post shared by Milind Usha Soman (@milindrunning)

मिलिंद किती फिटनेसफ्रिक आहे हे जगजाहीर आहे. मध्यंतरी मिलिंदचा असाच एक पुशअप्स करतानाच व्हिडीओ त्याने शेअर केला होता. पुशअप्स करतानाची त्याची एनर्जी पाहून चाहतेदेखील थक्क झाले होते. कमेंट करत त्याचे कौतुक करत या वयात इतके कसे जमते अशा कमेंट्स दिल्या, अनेकांची तर हा व्हिडीओ पाहून बोलतीच बंद झाली असेल हे मात्र नक्की.