क्रिकेटपटू केएल राहुलसोबतच्या डिनर डेटवरून निधी अग्रवालने सोडले मौन, केला ‘हा’ खुलासा!

ब�

��लिवूडचा नेक्स्ट सुपरस्टार टायगर श्रॉफसोबत ‘मुन्ना मायकल’ या चित्रपटातून बॉलिवूडमध्ये डेब्यू करणारी अभिनेत्री निधी अग्रवाल सध्या भलतीच चर्चेत आहे. कारण निधिला भारतीय क्रिकेट संघाचा स्टार क्रिकेटपटू केएल राहुल याच्यासोबत नुकतेच डिनर डेटवर जाताना बघण्यात आले. दोघांच्या या डेटनंतर त्यांच्यातील रिलेशनची चर्चा आता सर्वत्र रंगताना दिसत आहे. तत्पूर्वी निधीने या डिनर डेटचा खुलासा करताना राहुलबद्दल काही गोष्टी स्पष्ट केल्या. स्पॉटबॉय या वेब पोर्टलने केलेल्या दाव्यानुसार, निधीने एका मुलाखतीत केएल राहुलसोबतच्या असलेल्या नात्याचा खुलासा केला. गेल्या २९ मे रोजी केएल राहुल आणि निधी अग्रवालला मुंबईतील एका रेस्टॉरंटमध्ये बघण्यात आले होते. केएल राहुलच्या एका इन्स्टाग्राम फॅन पेजवर दोघांचे फोटोही शेअर करण्यात आले होते. 



स्पॉटबॉय या इंग्रजी वेबसाइटने दिलेल्या बातमीनुसार निधीने म्हटले की, होय मी आणि केएल राहुल डिनर डेटला गेलो होतो. कारण मी त्याला बºयाच काळापासून ओळखते. निधीने सांगितले की, मी राहुलला तेव्हापासून ओळखते जेव्हा तो क्रिकेटर नव्हता. त्यावेळी मीदेखील अ‍ॅक्ट्रेस नव्हती. निधीच्या या मुलाखतीनुसार, दोघेही एकमेकांच्या टचमध्ये आहेत. जेव्हा-जेव्हा हे दोघे मुंबईत असतात, तेव्हा हे दोघे भेटण्याचा नेहमीच प्रयत्न करीत असतात. 



केएल राहुलने नुकतेच झालेल्या आयपीएलमध्ये किंग्स इलेव्हन पंजाबकडून खेळताना जबरदस्त प्रदर्शन केले. त्याने दमदार बॅटिंग करताना क्रिकेट चाहत्यांचे लक्ष आपल्याकडे वेधले. त्यामुळे संपूर्ण आयपीएलदरम्यान तो चांगलाच लाइमलाइटमध्ये राहिला. केएल राहुलला भारतीय क्रिकेट संघातील स्टायलिश खेळाडू म्हणून ओळखले जाते. जेव्हा निधी आणि तो डिनर डेटला गेले होते तेव्हा दोघांनीही जवळपास सारखेच कपडे घातले होते. पांधºया रंगाचे टी-शर्ट आणि ब्लू जीन्समध्ये दोघे बघावयास मिळाले. सध्या या दोघांचे फोटो सर्वत्र व्हायरल होत आहे. निधी अग्रवाल याच वर्षी ‘सव्यसाची’ या तेलगू चित्रपटात बघावयास मिळाली होती.