Pathaan : ‘बेशरम रंग’वरून 'बेरंग'; शाहरुख-दीपिकाचे पोस्टर जाळून निषेध, भाजपा नेतेही घुश्श्यात

Protest against Shah Rukh Khan's Pathaan : शाहरूख खान व दीपिका पादुकोणचा ‘पठान’ हा सिनेमा रिलीजआधीच वादात सापडला आहे. कारण आहे, या चित्रपटातील ‘बेशरम रंग’ हे गाणं.

Protest against Shah Rukh Khan's Pathaan : शाहरूख खान (Deepika Padukone ) व दीपिका पादुकोणचा (Shah Rukh Khan) ‘पठान’ (Pathaan ) हा सिनेमा रिलीजआधीच वादात सापडला आहे. कारण आहे, या चित्रपटातील ‘बेशरम रंग’ हे गाणं. होय,  ‘बेशरम रंग’ हे गाणं रिलीज झालं आणि या चित्रपटातील दीपिकाच्या बोल्ड स्टाईलने लोकांचं लक्ष वेधून घेतलं. काहींना दीपिकाचा बोल्ड लुक आवडला. पण काहींनी यावरून दीपिकाला ट्रोल करायला सुरूवात केली. इतकंच नाही तर दीपिकाने घातलेल्या बिकिनीवरूनही राजकारण तापलं. होय, दीपिकाने या गाण्यात केशरी रंगाची बिकिनी घातली आहे. यावरून सध्या वाद पेटला आहे.

याविरोधात मध्यप्रदेशात लोक रस्त्यावर उतरले. बुधवारी संध्याकाळा इंदूरमध्ये वीर शिवाजी ग्रूपच्या सदस्यांनी ‘पठान’ या चित्रपटातील ‘बेशरम रंग’ या गाण्याविरोधात रस्त्यावर उतरून आंदोलन केलं. यावेळी त्यांनी शाहरूख व दीपिकाचे  पोस्टर्सही जाळले. ‘बेशरम रंग’ हे गाणं हिंदूंच्या भावना दुखावणारं आहे, असा आरोप निदर्शकांनी यावेळी केला.

Pathaan song shot with dirty mindset, makers need to fix it: MP Minister Narottam Mishra

Read @ANI Story | https://t.co/Rd1SDPtCx6#Pathaan#BesharamRang#DeepikaPadukone#ShahRukhKhan#SRKpic.twitter.com/EOyCMkc6ZQ

— ANI Digital (@ani_digital) December 14, 2022

 
भाजपा मंत्र्यांचा इशारा
काल 14 डिसेंबरला मध्यप्रदेशचे गृहराज्यमंत्री नरोत्तम मिश्रा यांनी  ‘बेशरम रंग’ या गाण्यावर तीव्र आक्षेप नोंदवला होता.  ‘बेशरम रंग’मधील काही सीन्स आणि दीपिकाचे कपडे बदलले गेले नाहीत तर मध्यप्रदेशात हा सिनेमा रिलीज होऊ देणार नाही, असा इशारा त्यांनी दिला होता. ‘टुकडे टुकडे गँग’ची समर्थक दीपिका पादुकोणचे गाण्यातील कपडे आक्षेपार्ह आहेत.  ‘बेशरम रंग’ गाणं घाणेरड्या मानसिकतेसह चित्रीत करण्यात आलं आहे, असा आरोप त्यांनी केला होता.

 ‘बेशरम रंग’ या गाण्यात दीपिकाच्या अंगावर मुद्दाम भगव्या रंगाची बिकिनी दाखवल्याचा दावा काही लोक करत आहेत. इतके रंग असताना फक्त भगवाचं का निवडावा? असा प्रश्न काही लोक उपस्थित करत आहेत. नेमका याचवरून वातावरण तापलं आहे.

 ‘बेशरम रंग’  हे 3 मिनिट 3 सेकंदाच गाणं युरोपमधल्या सुंदर लोकेशन्सवर चित्रीत करण्यात आलं आहे. दीपिका पदुकोणसोबत शाहरुख खान हाही या गाण्यात आपली मस्कुलर बॉडी फ्लॉन्ट करताना दिसतोय. हे गाणं शिल्पा रावने  गायलं आहे.

‘पठान’ चित्रपटाचं दिग्दर्शन सिद्धार्थ आनंद यांनी केलं आहे. 2023 मध्ये प्रजासत्ताक दिनाच्या मुहूर्तावर हा चित्रपट प्रदर्शित होणार आहे.