'मिस्टर अ‍ॅण्ड मिसेज माही'चा ट्रेलर या दिवशी होणार रिलीज, जान्हवी कपूर आणि राजकुमार राव मुख्य भूमिकेत

Mr and Mrs Mahi Movie : बॉलिवूड अभिनेता राजकुमार राव आणि अभिनेत्री जान्हवी कपूर त्यांचा आगामी चित्रपट 'मिस्टर अ‍ॅण्ड मिसेस माही'च्या रिलीजसाठी सज्ज आहेत. निर्माते नवीन पोस्टर्स शेअर करून चाहत्यांमधील उत्सुकता आणखी वाढवत आहेत.

बॉलिवूड अभिनेता राजकुमार राव (Rajkumar Rao) आणि अभिनेत्री जान्हवी कपूर (Janhvi Kapoor) त्यांचा आगामी चित्रपट 'मिस्टर अ‍ॅण्ड मिसेस माही'(Mr and Mrs Mahi Movie)च्या रिलीजसाठी सज्ज आहेत. निर्माते नवीन पोस्टर्स शेअर करून चाहत्यांमधील उत्सुकता आणखी वाढवत आहेत. चित्रपटाच्या नवीन पोस्टरमध्ये जान्हवी आणि राजकुमारच्या पात्रांची झलक पाहायला मिळत आहे. आता या चित्रपटाच्या ट्रेलरबाबत माहिती समोर आली आहे.

चित्रपटाच्या निर्मात्यांनी 'मिस्टर अ‍ॅण्ड मिसेस माही'चा ट्रेलर रिलीज करण्याची योजना आखली आहे. ते उद्या म्हणजेच १२ मे रोजी चित्रपटाचा ट्रेलर रिलीज करण्यासाठी सज्ज आहेत. ट्रेलर रिलीज होण्यापूर्वी, करण जोहरच्या धर्मा प्रॉडक्शनने नवीन पोस्टरसह त्याची घोषणा केली. चित्रपटाच्या नवीन पोस्टरमध्ये पुन्हा एकदा जान्हवी आणि राजकुमारची नवीन झलक पाहायला मिळाली. पोस्टरमध्ये ते दोघे क्रिकेटच्या मैदानात खेळायच्या गेटअपमध्ये दिसत आहेत. ते दोघे एकमेकांकडे पाहून हसताना दिसत आहेत.

पोस्टरमध्ये लिहिले की, 'काही लोकांच्या स्वप्नांना भरारी मिळते तर कुणाच्या स्वप्नांना एकमेकांचा आधार मिळतो. प्रेम आणि स्वप्नांवर आधारित ही अपूर्णपणे परिपूर्ण भागीदारी पहा. मिस्टर अँड मिसेस माहीचा ट्रेलर उद्या प्रदर्शित होणार आहे. हा चित्रपट ३१ मे २०२४ रोजी थिएटरमध्ये प्रदर्शित होणार आहे. पोस्टरची टॅगलाइन अशी आहे, 'ए गुगल ऑफ अ लव्ह स्टोरी.' ट्रेलर केवळ स्टार स्पोर्ट्सवर दुपारी २:४० वाजता, त्यानंतर युट्यूबवर दुपारी ३.४० वाजता प्रदर्शित केला जाईल.

'मिस्टर अ‍ॅण्ड मिसेस माही' ३१ मे रोजी होणार प्रदर्शित

'मिस्टर अ‍ॅण्ड मिसेस माही'मध्ये राजकुमार महेंद्रसिंग धोनीची भूमिका साकारणार आहे, तर जान्हवी महिमाची भूमिका साकारणार आहे. या चित्रपटाचे दिग्दर्शन शरण शर्मा यांनी केले आहे, ज्यांनी 'गुंजन सक्सेना: द कारगिल गर्ल' या चित्रपटातून दिग्दर्शनात पदार्पण केले होते, ज्यात जान्हवी मुख्य भूमिकेत होती. याआधी, चित्रपटात महिमाची भूमिका साकारणाऱ्या जान्हवी कपूरने खुलासा केला होता की, तिला क्रिकेटपटूच्या भूमिकेसाठी सहा महिन्यांचे कठोर प्रशिक्षण घ्यावे लागते. हा चित्रपट ३१ मे रोजी थिएटरमध्ये प्रदर्शित होणार आहे.