'मुंबईचा किंग भिकू म्हात्रे' येतोय भेटीला, अभिनेता मनोज वाजपेयीची पोस्ट झाली व्हायरल
By ऑनलाइन लोकमत | Published: November 26, 2022 12:54 PM2022-11-26T12:54:43+5:302022-11-26T12:56:34+5:30
Manoj Bajpayee : राम गोपाल वर्मा यांच्या सत्या चित्रपटात मनोज वाजपेयीने भिकू म्हात्रे ही व्यक्तिरेखा साकारून इंडस्ट्रीत छाप पाडली. आता ‘सत्या’मधील भिकू म्हात्रे पुनरागमन करत असल्याचे संकेत अभिनेत्याने दिले आहेत.
'मुंबईचा किंग भिकू म्हात्रे' येतोय भेटीला, अभिनेता मनोज वाजपेयीची पोस्ट झाली व्हायरल
Next अभिनेता मनोज वाजपेयी (Manoj Bajpayee) हा हिंदी चित्रपटसृष्टीतील दिग्गज अभिनेत्यांपैकी एक आहे. मनोज वाजपेयीने आजपर्यंत अनेक वेगवेगळ्या भूमिका साकारल्या आहेत. या सर्व कामगिरीला जगभरात पसंती मिळाली. अभिनेत्याचे खूप कौतुकही झाले. या सर्वांमध्ये सर्वात खास आणि अनोखा चित्रपट आणि व्यक्तिरेखा म्हणजे सत्या(Satya Movie)मधील भिकू म्हात्रे.
अभिनेता मनोज वाजपेयीने सत्या या चित्रपटाद्वारे सिनेइंडस्ट्रीत आपली छाप उमटवली. राम गोपाल वर्मा यांच्या या चित्रपटात त्यांनी भिकू म्हात्रे ही व्यक्तिरेखा साकारून इंडस्ट्रीत छाप पाडली. आता ‘सत्या’मधील भिकू म्हात्रे पुनरागमन करत असल्याचे संकेत अभिनेत्याने दिले आहेत. यासंबंधीचा एक व्हिडिओ त्याने इंस्टाग्रामवर शेअर केला आहे.
मनोज वाजपेयीने सत्या चित्रपटाच्या प्रसिद्ध बॅकग्राउंड स्कोअरचा वापर करून एक व्हिडिओ प्रोमो शेअर केला आहे. या व्हिडिओमध्ये मनोज एका इंटेन्स लुकसह चालताना दिसतो. त्याच्या हातात सोन्याचे घड्याळ आणि बंदूक आहे. भिकू म्हात्रे पुनरागमन करत आहेत, तेही लवकरच. या व्हिडिओचे थेट कनेक्शन हिट्स म्युझिकचे आहे. मनोजने संगीत कंपनीलाही टॅग केले आहे.
'मुंबई का किंग कौन?' शेअर करण्यासाठी हिट्स म्युझिकने गुरुवारी ट्विट करत प्रश्न विचारला होता. त्याला उत्तर देताना मनोज वाजपेयी यांनी #BhikuMhatre लिहिले. तुम्हाला माहित नसेल तर सत्या चित्रपटातील हा प्रसिद्ध संवाद आहे. हा व्हिडीओ पाहिल्यानंतर अनेक युजर्स मनोज वाजपेयी सत्या २ घेऊन येत असल्याचे समजत आहेत. त्यामुळे सत्याच्या सीक्वलची घोषणेकडे चाहत्यांचे लक्ष वेधून राहिले आहे.