'मुन्नाभाई MBBS'मधला स्वामी आता दिसतो खूपच वेगळा, लेटेस्ट फोटो पाहून चाहते झाले अवाक्

Munnabhai MBBS : 'मुन्नाभाई MBBS' या चित्रपटात खुर्शीद लॉयरने 'स्वामी'ची भूमिका साकारली होती. या चित्रपटात बारीक दिसणाऱ्या खुर्शीदचा लूक पूर्वीपेक्षा खूप बदलला आहे.

२००३ मध्ये रिलीज झालेला संजय दत्त(Sanjay Dutt)चा कॉमेडी ड्रामा सिनेमा 'मुन्नाभाई एमबीबीएस' (Munnabhai MBBS) बॉक्स ऑफिसवर सुपरहिट ठरला. हा असा सदाबहार चित्रपट आहे, जो आजही लोकांना पाहायला आवडतो. या चित्रपटातील सर्व पात्रांना प्रेक्षकांनी भरभरून प्रेम दिले. या चित्रपटात 'स्वामी' ही व्यक्तिरेखा खुर्शीद लॉयर(Khurshid Lawyer)ने साकारली होती. या चित्रपटात बारीक दिसणाऱ्या खुर्शीद लॉयरचा लूक पूर्वीपेक्षा खूप बदलला आहे.

‘मुन्नाभाई एमबीबीएस’ या सिनेमात बरीच दमदार पात्र प्रेक्षकांना पाहायला मिळाली. चित्रपटातील मुन्ना असो किंवा सर्किट, डॉक्टर अस्थाना असो किंवा मग चिंकी, प्रत्येक कलाकारांनी प्रेक्षकांच्या मनात घर केले. या कलाकारांसोबत या चित्रपटामधील लक्षात राहिलेला असाच एक चेहरा स्वामीचा होता. स्वामी हा मुन्नाभाईचा रूममेट होता आणि चांगला मित्र सुद्धा. या चित्रपटातील खुर्शीद लॉयरने साकारलेल्या भूमिकेची प्रशंसा झाली.

खुर्शीद लॉयरने ‘मुन्नाभाई एमबीबीएस’ या सिनेमातून बॉलिवूडमध्ये पदार्पण केले होते. या चित्रपटातील स्वामीच्या भूमिकेने त्याला चांगलीच लोकप्रियता मिळाली. त्यानंतर त्याने अनेक सिनेमात छोट्या भूमिका केल्या. आता खुर्शीद खूपच वेगळा दिसतो. त्याचा लूक पूर्णपणे बदलला आहे. मुन्नाभाई एमबीबीएसमध्ये खुर्शीद लॉयर अगदी सडपातळ होता. पण आता त्याचे वजन चांगलंच वाढलं आहे.

वर्कफ्रंट

‘मुन्नाभाई एमबीबीएस’नंतर खुर्शीद लॉयरने  ‘डबल धमाल’ व ‘अजब प्रेम की गजब कहानी’सह अनेक सिनेमात काम केले. त्यानंतर तो अचानक बॉलिवूडमधून गायब झाला. बऱ्याच मोठ्या कालावधीनंतर तिग्मांशू धूलियाच्या ‘द ग्रेट इंडियन मर्डर’ या वेबसीरिजमध्ये तो झळकला होता. लवकरच तो सोनी लिव्हवरील  फ्रीडम अ‍ॅट मिडनाइट शोमध्ये पाहायला मिळणार आहे.