‘नागीन’च्या आठवणीने भावूक झाली मौनी राय! एकताचे मानले आभार!!

छ�

��ट्या पडद्यावर ‘नागीन3’चा टीजर रिलीज झाला आहे. टीव्हीच्या या सुपरहिट मालिकेच्या दोन्ही सीझनमध्ये मौनी राय लीड रोलमध्ये होती. पण शोच्या तिस-या सीझनमध्ये मात्र मौनी नसणार. तिच्याऐवजी या सीझनमध्ये दोन लोकप्रीय चेह-यांना स्थान मिळाले आहे. साहजिक याचे दु:ख तर होणारच. मौनीने इन्स्टाग्रामवर एक भावूक पोस्ट लिहून आपल्या या भावना व्यक्त केल्या आहेत. मौनीने एक व्हिडिओ शेअर केला आहे. ‘हा शो माझ्या मनाच्या प्रचंड जवळ होता. याच शोने मला नवी ओळख दिली. मी कायम एकता मॅमची आभारी असेल,’ असे मौनीने हा व्हिडिओ पोस्ट करत लिहिले. विशेष म्हणजे, एकतानेही मौनीच्या या पोस्टला लगेच उत्तर दिले. ‘शूटदरम्यान आम्ही सगळे तुला खूप मिस करू. आयुष्यात मोठ्या संधी तुझ्या प्रतीक्षेत आहेत. खूप सारे प्रेम...’ असे एकताने लिहिले.
 

लवकरच मौनी राय अक्षय कुमारच्या ‘गोल्ड’मधून बॉलिवूड डेब्यू करतेय. ‘नागीन3’बद्दल सांगायचे तर मौनी रायऐवजी या शोमध्ये ‘ये है मोहब्बते’ची अभिनेत्री अनिता हसनंदानी आणि ‘कुबुल है’ फेम सुरभी ज्योती या नव्या नागीन म्हणून दिसतील. काही दिवसांपूर्वी एकताने ‘नागीन’ या मालिकेतील एक फोटो पोस्ट करून त्यासोबत एक कप्शन दिले होते.  नवी नागीन प्रेक्षकांच्या भेटीस येत आहे. ‘नागीन’मधील मौनी राय आणि अदा खान यांना आम्ही निरोप देत आहोत आणि नव्या नागीनचे आम्ही स्वागत करत आहोत,असे तिने लिहिले होते. एकताने पोस्ट केलेल्या या फोटोवर मौनीने लगेचच रिप्लाय दिला होता.‘वाचून  नक्कीच वाईट वाटले. पण मी नवीन नागीन कोण असणार यासाठी खूप उत्सूक आहे, ’ असे तिने लिहिले होते. त्यावर एकताने देखील रिप्लाय दिला होता.  तू नेहमीच बालाजी टेलिफ्लिम्सचा एक भाग असणार आहेस आणि पुढील काळात आणखी मोठ्या गोष्टी तुझी वाट पाहात आहेत आणि आम्ही सगळेच तुला खूप मिस करणार आहोत, असे एकता म्हणाली होती.