'त्याने मला दिवसभर किस करायला लावलं'; आमिर खानविषयी अभिनेत्रीचा मोठा खुलासा

Navneet nishan: शूट संपल्यानंतर अशी झाली होती नवनीतची अवस्था

बॉलिवूड अभिनेता आमिर खान (amir khan) सिनेमाच्या निवडीबाबत किती चोखंदळ आहे हे वेगळं काही सांगायची गरज नाही. प्रत्येक सिनेमाची निवड करताना तो बारकाईने विचार करतो म्हणूनच तो मिस्टर परफेक्शनिस्ट म्हणून ओळखला जातो. विशेष म्हणजे आजवरच्या कारकिर्दीत त्याचे अनेक सिनेमा गाजले. त्यातलाच एक सिनेमा म्हणजे हम हैं राही प्यार के. या सिनेमात आमिर मुख्य भूमिकेत झळकला होता. अलिकडेच या सिनेमातील अभिनेत्री नवनीत निशान (navneet nishan) हिने एक मुलाखत दिली. या मुलाखतीमध्ये तिने आमिरने मुद्दाम मला ७ ते८ वेळा किस करायला लावला, असा खुलासा केला.

'हम है राही प्यार के' या सिनेमाला  नुकतीच ३० वर्ष पूर्ण झाली. त्यामुळे या सिनेमातील अनेक रंजक किस्से नवनीतने हिंदुस्तान टाइम्सशी बोलतांना सांगितले. या सिनेमात नवनीतने बिजलानी (दिलीप ताहिल) यांच्या लेकीची म्हणजेच मायाची भूमिका साकारली होती. या मायाला राहुल(आमिर खान) सोबत लग्न करायचं होतं. याच काळात आमिर आणि तिचा किसिंग सीन होता. मात्र, तो सीन ऐनवेळी सिनेमातून काढून टाकण्यात आला. पण, हा सीन करताना आमिरने माझी खूप मस्करी केली होती, असं ती म्हणाली.

काय म्हणाली नवनीत?

"आमिर तर आमिरचं आहे. त्याच्याबद्दल काय सांगावं. या सिनेमातील एका सीन दरम्यान त्याने मला दिवसभर किस करायला लावलं होतं. आम्ही दिवसभर किसिंग सीनच करत होतो. किसमध्ये सातत्य असायला हवं असं त्याचं मत होतं. त्यामुळे मी  दिवसभर त्याच्या गालावर किस करत बसले होते. जवळपास ७ ते ८ वेळा त्याने माझ्याकडून सराव करुन घेतला", असं नवनीत म्हणाली.

पुढे म्हणते, "आमिर आणि जुही चावलासोबत काम करण्यासाठी मी खूप उत्सुक होते. माझ्यासाठी ही खूप मोठी संधी होती. आमिरला किस केल्यानंतर, मी सगळ्यांना मला लॉटरी लागली असं ओरडून सांगत होते." दरम्यान, हा सिनेमा १९९३ मध्ये प्रदर्शित झाला. या सिनेमातील अनेक गाणी सुपरहिट झाली. इतकंच कशाला त्यातील 'घूनघाट की आड से', 'यूं ही कट जायेगा सफर', 'बंबई से गई पूना'पासून, 'मेरी नींद मेरा चैन' ही गाणी आजही चाहते आवडीने ऐकतात.