Nawazuddin Siddiqui :'नवाजने 3 लग्न केली, गरोदर वहिनीच्या पोटावर लाथ मारली', भाऊ शमसने अभिनेत्यावर केले गंभीर आरोप

नवाजुद्दीन सिद्दीकीचा धाकटा भाऊ शमस सिद्दीकी अभिनेत्याने आपल्या प्रग्नेंट वहिनीच्या पोटावर लाथ मारल्याचा आरोप केला आहे.

बॉलिवूड अभिनेता  नवाजुद्दीन सिद्दीकी सध्या त्याच्या पर्सनल लाईफला घेऊन चर्चेत आला आहे. नवाजुद्दीन आणि त्याची पत्नी आलिया यांच्यातील वादाचे रूपांतर आता कौटुंबिक वादात झाले आहे. नवाजची पत्नी आलिया आणि त्याचा भाऊ शमास यांनी नवाजवर अनेक गंभीर आरोप केले आहेत. हे पाहता नवाजने दोघांवर मानहानीचा खटलाही दाखल केला होता. इतकंच नाही तर नवाजने दोघांविरुद्ध 100 कोटी रुपयांची नुकसानभरपाई देण्याची मागणी करत गुन्हा दाखल केला आहे. दरम्यान, नवाजच्या भावाने पुन्हा एकदा त्याच्यावर गंभीर आरोप केले आहेत.

नवाजच्या भावाने शेअर केली नोट 
नवाज आणि त्याच्या कौटुंबिक वादाने आता एक वेगळे वळण घेतले आहे. दररोज त्यांच्या कुटुंबातील एक ना कोणी ट्विटरवर एकमेकांवर कुरघोडी करताना दिसतात. दरम्यान, नवाजच्या भावाने या प्रकरणाबाबत आपल्या ट्विटर हँडलवर एक लांब नोट शेअर केली आहे, ज्यामध्ये त्याच्या भावाने आणखी अनेक धक्कादायक खुसाले केले आहेत.

 

Dear Brother #NawazuddinSiddiqui , this is also emotions not allegations.... ENGLISH VERSION pic.twitter.com/keu8zAnvnA

— Shamas Nawab Siddiqui (@ShamasSiddiqui) March 26, 2023

शमासने नवाजवर केले गंभीर आरोप 
ट्विटरवर शमासने लिहिले की, 'नवाजुद्दीनने तीन लग्न केली आहेत. यापैकी एका लग्न लॉकडाऊन दरम्यान ईशाशी झाले होते. पहिली पत्नी फिरोजा असून ती हल्द्वानी येथील आहे. शिवाय, शमनने नवाजुद्दीनवर तिच्या वहिनीसोबत गैरवापर केल्याचा आणि तिला गरोदरपणात लाथ मारल्याचा आरोपही केला आहे. शमास इथेच थांबला नाही, यानंतरही त्याने पुढे असा दावा केला की नवाजुद्दीन स्वत:ला एका गरीब शेतकऱ्याचा मुलगा सांगतो, तर त्याचे वडील कोट्यवधीच्या जमिनीचे मालक होते.