नवाजुद्दीन सिद्दीकी दिसणार ह्या स्टार किडसोबत

नवाजुद्दीन आगामी चित्रपट मोतीचूर चकनाचूरचे चित्रीकरण भोपाळमध्ये करतो आहे. या सिनेमात नवाजुद्दीनसोबत अभिनेता सुनील शेट्टीची मुलगी अथिया शेट्टी मुख्य भूमिकेत दिसणार आहे.

ठळक मुद्देअथिया शेट्टी व नवाजुद्दीन सिद्दीकी पहिल्यांदाच झळकणार एकत्रअथिया नवाजुद्दीनच्या अभिनयाचे करतेय निरीक्षण

अभिनेता नवाजुद्दीन सिद्दीकीचा नुकताचा 'मंटो' सिनेमा प्रदर्शित झाला. या चित्रपटातील त्याच्या भूमिकेचे सगळीकडून खूप कौतूक झाले. आता तो नव्या प्रोजेक्टच्या कामात व्यग्र झाला आहे. सध्या नवाजुद्दीन आगामी चित्रपट मोतीचूर चकनाचूरचे चित्रीकरण भोपाळमध्ये करतो आहे. काही दिवसांपूर्वी या चित्रपटातील फोटो व्हायरल झाला होता. या सिनेमात नवाजुद्दीनसोबत अभिनेता सुनील शेट्टीची मुलगी अथिया शेट्टी मुख्य भूमिकेत दिसणार आहे. याबाबत अथिया सांगते की 'मोतीचूर चकनाचूर'मध्ये अभिनेता नवाजुद्दीन सिद्दीकींच्या अभिनयातील बारकाव्यांचे निरीक्षण करते आहे. त्यांच्याकडून खूप गोष्टी शिकायला मिळत आहे. 

'मोतीचूर चकनाचूर' चित्रपटात विचित्र वेडिंग पाहायला मिळणार आहे. ज्यात रसिकांना विनोदाची मेजवानी मिळणार आहे. या सिनेमाच्या निमित्ताने नवाजुद्दीन सिद्दीकी व अथिया शेट्टी हे दोघे पहिल्यांदाच एकत्र काम करत आहेत. याबाबत अथिया म्हणाली की,' मी पहिल्यांदाच अष्टपैलू अभिनेता नवाजुद्दीन सिद्दीकी सोबत काम करते आहे. चित्रीकरणादरम्यान नवाज सरांसोबतच चित्रपटातील इतर कलाकारांकडून खूप गोष्टी शिकते आहे. नवाजुद्दीन सर उत्तम कलाकार आहेत. '
'हिरो', 'मुबारकां' यांसारख्या चित्रपटात काम केलेली अभिनेत्री अथिया म्हणाली की,' पहिल्यांदाच महिला दिग्दर्शिका देबमित्रा हसन यांच्यासोबत काम करायला मिळत आहे म्हणून मी खूप खूश आहे. वर आणि वधू यांच्या कुटुंबातील विनोद रसिकांना पाहायला मिळणार आहे. ' 
नवाजुद्दीन व अथिया यांची केमिस्ट्री रसिकांना भुरळ पाडेल का , हे पाहणे कमालीचे ठरणार आहे.