Neelam Kothari : "हो! बॉबी देओलवर माझं खूप प्रेम होतं"; 5 वर्षांच्या अफेयरनंतर नीलमने सांगितलं का झालं ब्रेकअप?

Neelam Kothari And Bobby Deol : अभिनेत्री नीलम कोठारीने महत्त्वाचा खुलासा केला आहे. ती बॉबी देओलसोबत 5 वर्षे रिलेशनशिपमध्ये होती.

80-90 च्या दशकात लोकांच्या हृदयावर राज्य करणारी अभिनेत्री नीलम कोठारीने महत्त्वाचा खुलासा केला आहे. ती बॉबी देओलसोबत 5 वर्षे रिलेशनशिपमध्ये होती. दोघांचे प्रेमही सर्वश्रुत होते. दोघेही सीरियस नात्यात होते आणि नीलम धर्मेंद्र यांची धाकटी सून होणार असल्याची चर्चा बी-टाउनच्या कॉरिडॉरमध्ये होती. पण एकमेकांना खूप जवळून ओळखल्यानंतर दोघेही वेगळे झाले. अभिनेत्री नीलम कोठारीनेच याबाबत माहिती दिली होती.

नीलम कोठारी आणि बॉबी देओल यांच्या नात्याबद्दल चर्चा होती की, दोघांनाही आपलं नातं कायम जपायचं आहे. पण स्वत: 5 वर्षे रिलेशनशिपमध्ये राहिल्यानंतर, अभिनेत्रीला समजलं की जर तिने बॉबीशी लग्न केलं असतं तर ती आनंदी नसती. ब्रेकअपनंतर तिने "हो! बॉबी देओलवर माझं खूप प्रेम होतं हे खरं आहे" असं सांगितलं,

नीलमच्या बॉबीसोबतच्या प्रेमप्रकरणाचे किस्से त्याकाळी बी-टाऊनमध्ये चर्चेत असत. पण हे नातं तुटल्यावर अनेक प्रकारच्या अफवा पसरू लागल्या. यासाठी कोणी धर्मेंद्र जबाबदार असल्याचं सांगितलं तर कोणी बॉबीच्या आयुष्यात नवीन अभिनेत्री आल्याचं म्हटलं. ही अभिनेत्री होती पूजा भट्ट. या अफवांमुळे नीलम खूप नाराज झाली आणि तिने पुन्हा त्यांच्या नात्याबद्दल खुलेपणाने सांगितलं.

स्टारडस्टशी संवाद साधताना नीलम म्हणाली होती, "होय, हे खरे आहे की बॉबी आणि मी वेगळे झालो आहोत. मला माझ्या वैयक्तिक आयुष्याबद्दल बोलायला आवडत नाही, परंतु आजूबाजूला अनेक गैरसमज आणि निराधार अफवा पसरत आहेत, ज्याचा मी स्पष्टीकरण देऊन शेवट करू इच्छिते. लोकांनी खोट्या गोष्टींवर विश्वास ठेवू नये अशी माझी इच्छा आहे आणि त्या अफवांपैकी एक म्हणजे बॉबी आणि मी पूजा भट्टसोबतच्या नात्यामुळे वेगळे झालो आहोत."

"पूजा भट्टमुळे बॉबी आणि नीलमचे नाते संपुष्टात आले. अशा बातम्यांवर प्रतिक्रिया दिली होती आणि मी तुम्हाला आणि जगाला सांगायला हवं की हे खोटं आहे. पूजा भट्ट किंवा इतर कोणत्याही मुलीमुळे मी बॉबीसोबत ब्रेकअप केले नाही. विभक्त होण्याचा आमचा निर्णय परस्पर संमतीने होता. मला अचानक जाणवलं की मी त्याच्यासोबत कधीच आनंदी होणार नाही."

"मला माहीत आहे की त्या समजण्यासाठी 5 वर्षांचा कालावधी लागला. मला उशीरा कळलं, पण निदान, मी ते केलं. मी शक्य तितक्या लवकर आयुष्यात पुढे जाण्याचा निर्णय घेतला. मी आधी म्हटल्याप्रमाणे, एकदा मी ठरवल्यानंतर मी त्याचं अनुसरण करते. त्याने पुढे खुलासा केला की जेव्हा त्याने बॉबीशी याबद्दल बोलले तेव्हा त्यानेही यासाठी होकार दिला." नीलम आणि बॉबी दोघेही आपापल्या आयुष्यात पुढे गेले आहेत. लग्नानंतर दोघेही आपापल्या जोडीदारासह आनंदी आहेत. एका हिंदी वेबसाईटने याबाबतचे वृत्त दिले आहे.