नव्या जोड्या, नव्या रोमँटिक चित्रपटांचा खजिना खुला होणार...
By ऑनलाइन लोकमत | Published: March 27, 2018 01:41 PM2018-03-27T13:41:16+5:302018-03-27T19:11:16+5:30
अबोली कुलकर्णी पडद्यावर कलाकारांच्या नव्या जोड्या पाहणं, त्यांची केमिस्ट्री अनुभवणं प्रेक्षकांसाठी एक ट्रीटच असते. २०१८ हे वर्ष सुरू झाले ...
नव्या जोड्या, नव्या रोमँटिक चित्रपटांचा खजिना खुला होणार...
Next पडद्यावर कलाकारांच्या नव्या जोड्या पाहणं, त्यांची केमिस्ट्री अनुभवणं प्रेक्षकांसाठी एक ट्रीटच असते. २०१८ हे वर्ष सुरू झाले तसे अद्याप तरी फार काही कलाकारांची केमिस्ट्री प्रेक्षकांना अनुभवायला मिळालेली नाही. मात्र, आता लवकरच रोमँटिक चित्रपटांचा खजिना खुला होणार आहे. उत्कृष्ट सादरीकरण, थीम, फ्रेश जोड्या अशा सर्व जमेच्या बाजू या काही आगामी चित्रपटांच्या बाबतीत सांगता येतील. पाहूयात मग, कोणते आहेत हे नवे चित्रपट जे २०१८ला रोमँटिक करून टाकणार....
आॅक्टोबरदिग्दर्शक शूजित सरकार यांच्या आगामी ‘आॅक्टोबर’ चित्रपटात वरूण धवन आणि बनिता संधू हे महत्त्वाच्या भूमिकेत दिसणार आहेत. दिल्ली आणि हिमाचल प्रदेशात चित्रपटाचे शूटिंग झाले असून वरूण आणि बनिता यांच्यातील क्यूट रोमान्स चित्रपटात दाखवण्यात आलेला आहे. एकदम हटके लव्हस्टोरी या चित्रपटातून चित्रीत करण्यात आलेली आहे. १३ एप्रिलला चित्रपट रिलीज होणार आहे.
धडक
धडकबद्दल काय सांगणार? ‘सैराट’चा हिंदी रिमेक एवढंच सांगितलं तरी सगळं चित्र डोळयासमोर येतं. मात्र, या ‘धडक’ चित्रपटात दोन गुणी कलाकार जान्हवी कपूर आणि इशान खट्टर हे एकमेकांसोबत रोमान्स करताना दिसणार आहेत. ‘सैराट’ मिळालेल्या अफाट यशानंतर हिंदीतही तशीच प्रचंड कमाई करण्याचा विचार निर्मााता करण जोहर यांनी केला. ६ जुलैला चित्रपट रिलीज होणार असून चित्रपटाला कसा प्रतिसाद मिळतो हे कळेलच.
वीरे दी वेडिंग
करिना कपूर खान ही तिच्या प्रेगनन्सीनंतर ‘वीरे दी वेडिंग’ या चित्रपटातून बॉलिवूडमध्ये कमबॅक करत आहे. यात तिच्याशिवाय सोनम कपूर, स्वरा भास्कर आणि शिखा तल्सानिया या देखील असतील. हा चित्रपट म्हणजे रोमान्स, ड्रामा, कॉमेडी यांचे एक पॅकेज असणार आहे. नववधू आणि तिच्या मैत्रिणी यांची लग्नादरम्यानची धम्माल मस्ती या चित्रपटात अनुभवायला मिळणार आहे. १८ मे रोजी चित्रपट रिलीज होईल.
एक लडकी को देखा तो ऐसा लगा
प्रथमच वडील-मुलगी म्हणजेच अनिल कपूर आणि सोनम कपूर हे पडद्यावर एकत्र दिसणार आहेत. यात मधुमालती, जुही चावला आणि राजकुमार राव हे चित्रपटात असणार आहेत. राजकुमार राव आणि सोनम कपूर यांची लव्हस्टोरी चित्रपटात दाखवण्यात येणार आहे. १२ आॅक्टोबर रोजी चित्रपट रिलीज होणार आहे.
सुई-धागा
अनुष्का शर्मा आणि वरूण धवन यांच्या प्रेमकहानीवर आधारित ‘सुई धागा’ चित्रपटाची सर्व प्रेक्षकांना उत्सुकता आहे. प्रेम आणि आदर यांच्यामार्फत स्वत:चा शोध घ्यायला लावणाऱ्या जोडीवर आधारित चित्रपटाची कथा आहे. दोघेही कलाकार हे त्यांच्या या भूमिकांसाठी ‘डी-ग्लॅम’ अवतारात दिसणार आहेत. अत्यंत साधारण राहणीमान आणि सामान्य कुटुंबातील ही लव्हस्टोरी दाखवण्यात येणार आहे. २८ सप्टेंबरला चित्रपट प्रेक्षकांच्या भेटीला येणार आहे.
स्टुडंट आॅफ द ईयर २
करण जोहरच्या चित्रपटात कोण कोण कलाकार असणार यावर अनेक दिवस चर्चा सुरू होती. टायगर श्रॉफसोबत मुख्य भूमिकेत कोण असणार ? याबाबत बऱ्याच अफवा आल्या. अनेक कलाकारांच्या चर्चांनंतर दिशा पटानी आणि अनाया पांडे यांच्यावर येऊन चर्चा थांबल्या. २३ नोव्हेंबरला चित्रपट रिलीज होणार असून हा रोमँटिक चित्रपट प्रेक्षकांना भूरळ घालणार, हे मात्र नक्की.