निमरत कौरला महानायकाबरोबर करायचे काम!

‘लंच बॉक्स’ आणि ‘एयरलिफ्ट’ या चित्रपटांमधून आपल्या अभिनयाची छाप सोडणारी अभिनेत्री निमरत कौर हिला महानायक अमिताभ बच्चन यांच्याबरोबर काम ...

‘�

��ंच बॉक्स’ आणि ‘एयरलिफ्ट’ या चित्रपटांमधून आपल्या अभिनयाची छाप सोडणारी अभिनेत्री निमरत कौर हिला महानायक अमिताभ बच्चन यांच्याबरोबर काम करायचे आहे. निमरत एकता कपूर हिच्या एएलटी बालाजी अ‍ॅप्लिकेशन लॉन्च सोहळ्यात उपस्थित होती. यावेळी नागेश कुकुनूर यांनी दिग्दर्शित केलेल्या ‘द टेस्ट केस’ या वेबसिरीजचे प्रसारण करण्यात आले. यामध्ये निमरतने अतिशय उत्कृष्ट अभिनय केला आहे. 

जेव्हा निमरतला, कोणत्या अभिनेत्याबरोबर काम करण्याची इच्छा आहे? असे विचारण्यात आले तेव्हा तिने अमिताभ बच्चन यांच्याबरोबर काम करण्याची इच्छा असल्याचे म्हटले. ते खूपच दमदार आणि ताकदीचा अभिनय असलेले कलाकार आहेत. त्यामुळे त्यांच्याबरोबर काम करण्याचा अनुभव अविस्मरणीय असेल. यावेळी निमरतने काळ्या रंगाची साडी परिधान केली होती, त्यात ती खूपच सुंदर दिसत होती. 



यावेळी तिने ‘द टेस्ट केस’ या तिच्या शोविषयीदेखील माहिती दिली. ती म्हणाली की, या शोचा भाग बनल्याने स्वत:ला भाग्यशाली समजते. यामध्ये ती कॅप्टन शिखा शर्माची भूमिका साकारताना बघावयास मिळणार आहे. त्यामुळे मला अपेक्षा आहे की, प्रेक्षक माझ्या भूमिकेला पसंत करतील.

पुढे बोलताना निमरतने म्हटले की, एक कलाकार म्हणून माझ्या वाट्याला येणारी भूमिका मी मनापासून साकारते. भविष्यात काय होईल हे कोणालाच माहीत नाही. कुठली आव्हानात्मक भूमिका करावी लागेल, याविषयीही मी काहीच सांगू शकत नसल्याचे निमरतने म्हटले.