आता असे दिसतात धर्मेंद्र; तीन वर्षांनंतर सिल्व्हर स्क्रीनवर परतणार!

आपल्या डॅशिंग अंदाजासाठी ओळखले जाणारे अभिनेते धर्मेंद्र यांचा एक लेटेस्ट फोटो नुकताच समोर आला आहे. दमदार अभिनेता अशी ओळख ...

आ�

��ल्या डॅशिंग अंदाजासाठी ओळखले जाणारे अभिनेते धर्मेंद्र यांचा एक लेटेस्ट फोटो नुकताच समोर आला आहे. दमदार अभिनेता अशी ओळख असलेल्या धर्मेंद्र यांच्या शरीरयष्टीत बराच बदल झाल्याचे फोटोवरून दिसून येते. फोटोमध्ये धर्मेंद्र खुर्चीवर बसलेले दिसत असून, त्यांनी ब्लॅक पॅण्ट आणि प्रिंटेड ब्लॅक कोट घातला आहे. लवकरच ते ‘यमला पगला दीवाना फिर से’मध्ये बघावयास मिळणार आहेत. त्यांचा हा फोटो याच चित्रपटाच्या सेटवरील आहे. या चित्रपटातून ते तीन वर्षांनंतर सिल्व्हर स्क्रीनवर बघावयास मिळणार आहेत. चित्रपटात त्यांची दोन्ही मुले सनी आणि बॉबी देओल प्रमुख भूमिकेत असतील. सध्या चित्रपटाची शूटिंग सुरू आहे. 



दरम्यान, ‘यमला पगला दीवाना’ सिरीजचा हा तिसरा चित्रपट असून, ३० मार्च रोजी रिलीज होणार आहे. चित्रपटाच्या सेटवरून धर्मेंद्र यांनी त्यांचा फोटो शेअर करताना त्याच्या कॅप्शनमध्ये ‘आप से जुडे हसीन ख्वाबों के मेरे सिलसिले ये... यूहीं चलते रहे! यूहीं चलते रहे’ असे लिहिले आहे. धर्मेंद्र यांनी हा फोटो शेअर केल्यानंतर सनी देओलने लगेचच त्यास कॉमेण्ट करताना ‘हॅण्डसम पापा’ असे लिहिले. 





‘यमला पगला दीवाना फिर से’ चित्रपटाची कथा धीरज रतनच्या कथेवर आधारित आहे. या चित्रपटाची थीम पहिल्या दोन्ही चित्रपटांपेक्षा वेगळी आहे. धीरज रतन यांनी नुकतेच ‘कप्तान, सरदारजी-२, अंबरसरिया, शरीक, सरदारजी’ या पंजाबी चित्रपटांची कथा लिहिली, तर चित्रपटाचे दिग्दर्शन नवनीत सिंग करणार आहेत. चित्रपटात बॉबी, सनीबरोबरच काजल अग्रवाल, कृती खरबंदा बघावयास मिळणार आहेत.