OMG : गोविंदा त्याच्या पुढच्या चित्रपटात दिसणार ‘गे’च्या भूमिकेत!!

ब�

��लिवूडचा चीची अर्थात गोविंदा याने आपल्या हटके डान्स स्टाइल आणि अभिनयाच्या जोरावर ९०च्या दशकात बॉलिवूडवर वर्चस्व गाजविले. मात्र आता त्याचा करिष्मा फारसा चालत नसल्याचे त्याच्या ‘आ गया हिरो’ या चित्रपटावरून बघावयास मिळाले. मात्र अशातही गोविंदाने हार मानली नसल्याचे दिसून येत आहे. कारण बºयाच कालावधीनंतर ‘आ गया हिरो’ या चित्रपटातून वापसी करणारा गोविंदा चित्रपटाच्या अपयशाने खचून न जाता पुन्हा एकदा मोठ्या पडद्यावर आपला जलवा दाखविण्यास सज्ज झाला आहे. 

वास्तविक गोविंदाच्या फॅन्सला त्याचा ‘आ गया हिरो’ भावला. मात्र क्रिटिक्स आणि प्रेक्षकांनी गोविंदाला अशा पद्धतीने कमबॅक करण्याची गरजच काय होती? असे प्रश्न उपस्थित केले. असो, आता पुन्हा गोविंदा नवा चित्रपट घेऊन येत असून, यामध्ये तो डबल रोलमध्ये बघावयास मिळणार आहे. या चित्रपटातून त्याला पुन्हा पहिल्यासारखेच प्रेक्षकांच्या मनात जागा मिळवायची असल्याचे सूत्रांकडून समजते. 

खरं तर गोविंदाने जेव्हा जेव्हा डबल रोल साकारला तेव्हा तेव्हा प्रेक्षकांनी त्याला पसंत केले आहे. हाच फॉर्म्युला पुन्हा एकदा गोविंदा करताना बघावयास मिळणार आहे. विशेष म्हणजे यातील दुसरा रोल हा अतिशय हटके असणार आहे. एका भूमिकेत गोविंदा ‘गे’ची भूमिका साकारणार असून, तो या भूमिकेत खलनायक असेल. गोविंदाच्या त्याच्या संपूर्ण करिअरमध्ये अशाप्रकारची भूमिका साकारलेली नाही. त्यामुळे त्याच्या फॅन्सला त्याची ही भूमिका कितपत पसंतीस उतरेल हे येत्या काळात स्पष्ट होईलच. गोविंदाबरोबर या चित्रपटात ऋषी कपूरदेखील महत्त्वपूर्ण भूमिकेत बघावयास मिळणार आहेत. 



आतापर्यंत गोविंदाने अनेक चित्रपटांमध्ये डबल रोल साकारले असून, प्रेक्षकांनी त्यास पसंती दिली आहे. ‘आण्टी नं. १’मध्ये तर त्याने महिलेच्या भूमिकेत प्रेक्षकांना लोटपोट केले आहे. मात्र ‘गे’ म्हणून तो पहिल्यांदाच पडद्यावर झळकणार आहे. त्यामुळे हा चित्रपट फुल टू कॉमेडी किंवा मनोरंजक असावा असा कयास लावला जात आहे. 

गोविंदाच्या या डबल रोलवाल्या चित्रपटाची निर्मिती सरवन शर्मा आणि जयंत घोष करणार आहेत. सूत्रानुसार चित्रपटाची शूटिंगदेखील सुरू करण्यात आली आहे. या चित्रपटाचे दिग्दर्शन सत्येंद्र राज करीत आहेत. आता गोविंदाच्या फॅन्सला त्याच्या या चित्रपटाची प्रतीक्षा असेल.