​OMG !! सलमान-यूलियाचे झालेयं लग्न??

त�

��म्हाला सलमान खानच्या लग्नाची प्रतीक्षा असेल तर आमच्याकडे तुम्हाला देण्यासाठी एक ‘हॉट’ बातमी आहे. रोमानियाच्या एका टॅबलॉईडने तुम्हा आम्हाला आश्चर्याचा धक्का देणारा दावा केला आहे. सलमान व त्याची कथित प्रेयसी  यूलिया वेंटर यांनी रोमानियातच लग्न केल्याचा दावा या टॅबलॉईडने केला आहे. होय, रोमानियाच्या ‘क्लिक’ या टॅबलॉईडने  यूलिया वेंटर हिला ‘Doamna Khan’ म्हणून संबोधले आहे. याचा अर्थ होतो, ‘Royal Mrs Khan’. अर्थात या बातमीला अद्याप अधिकृत दुजोरा मिळालेला नाही. सलमान खान सध्या कबीर खानच्या ‘ट्युबलाईट’ या चित्रपटाच्या शूटींगमध्ये व्यस्त आहे. या शूटींगदरम्यान यूलिया ही सुद्धा सलमानसोबत आहे. सलमान व यूलियाच्या लग्नाविषयी बॉलिवूडमध्ये जोरदार चर्चा सुरु आहे. सलमान व यूलिया यावर्षी अखेरीस लग्नबंधनात अडकतील, असेही मानले जात आहे. अलीकडे सलमानने यूलियाच्या आई-वडिलांचीही भेट घेतली तर यूलिया अनेकदा ‘खान फॅमिली’सोबत दिसली. आता खरे काय, ते सलमान व यूलियाच जाणोत!!