​एकदा तरी नक्कीच पाहा, रणवीर सिंगच्या ‘खली बली’ गाण्याचा ‘मेकिंग व्हिडिओ’!

‘खली बली’ गाण्याच्या एका एका शॉटमध्ये रणवीरने जीव ओतलाय. अनेक किलो वजनाचा पोशाख घालूनही या गाण्यात रणवीरचे पाय कुठेही डगमगले नाहीत.

‘�

��द्मावत’मधील प्रत्येक कलाकाराने आपल्या भूमिकेत जीव ओतला. यासाठी जीव तोड मेहनत घेतली. भरभक्कम वजनाचे पोशाख घालून वावरण्यापासून तर नाचण्यापर्यंत असे सगळे काही या कलाकारांनी केले. रणवीर सिंगची मेहनत यात सर्वाधिक उठून दिसली. ‘खली बली’ गाण्यातील त्याचा तुफान डान्स याची पावती म्हणायला हवी. आज याच गाण्याचा ‘मेकिंग व्हिडिओ’ आम्ही तुमच्यासाठी घेऊन आलो आहोत. या गाण्यासाठी रणवीरने केलेली मेहनत यात स्पष्ट दिसतेय. गाण्याच्या एका एकाशॉटमध्ये रणवीरने जीव ओतलाय. अनेक किलो वजनाचा पोशाख घालूनही या गाण्यात रणवीरचे पाय कुठेही डगमगले नाहीत.



सुप्रसिद्ध कोरिओग्राफर गणेश आचार्य यांनी रणवीरला  प्रत्येक स्टेप शिकवली. चेहºयावरचे भाव याबद्दलही वेगवेगळे प्रयोग करण्यात आले. गणेश आचार्य यांच्या प्रत्येक कसोटीवर रणवीर एकदम परफेक्ट उतरला. रणवीरच्या परफॉर्मन्सने सगळे इतके गदगद झालेत की, सर्वांनीच उत्स्फूर्त टाळ्या वाजवल्यात. त्यामुळेच हा ‘मेकिंग व्हिडिओ’  बघण्यासारखा आहे. हा व्हिडिओ तुम्हाला कसा वाटला ते आम्हाला जरूर कळवा.
‘पद्मावत’मध्ये रणवीरने अलाऊद्दीन खिल्जीची निगेटीव्ह भूमिका साकारली आहे. या भूमिकेसाठी रणवीरचे जोरदार प्रशंसा होतेय. चित्रपटाच्या एका सीनमध्ये रणवीर १२ किलोचा पोशाख घालून पळताना दिसतोय. तूर्तास रणवीर ‘गली बॉय’या चित्रपटात दिसणार आहे.   सध्या या  चित्रपटाचे शूटींग धडाक्यात सुरु आहे.  जोया अख्तर दिग्दर्शित या चित्रपटाच्या सेटवरचे काही फोटो अलीकडे लिक झाले  होते. रणवीरचे या चित्रपटातील लूक त्याच्या ‘बँड बाजा बारात’, ‘लेडिज वर्सेस रिकी बहल’ या चित्रपटातील लूकशी बरेच मिळते जुळते आहेत. या चित्रपटात आलिया भट्ट एका तरूण मुस्लिम मुलीच्या भूमिकेत दिसणार आहे. याशिवाय रोहित शेट्टी दिग्दर्शित ‘सिम्बा’ या चित्रपटातही रणवीरची वर्णी लागली आहे.

ALSO READ : रणवीर सिंगला कुठून मिळते इतकी ‘हाय एनर्जी’?