‘पॅडमॅन’ अक्षयकुमारच्या ‘या’ अभिनेत्रीने बॉलिवूडमधील लैंगिक शोषणावर केला धक्कादायक खुलासा!

सध्या हॉलिवूडमध्ये लैंगिक शोषणावरून दररोज धक्कादायक खुलासे केले जात आहेत. आतापर्यंत अनेक अभिनेत्रींनी त्यांच्यासोबत झालेल्या लैंगिक शोषणाचा खुुलासा करून ...

स�

��्या हॉलिवूडमध्ये लैंगिक शोषणावरून दररोज धक्कादायक खुलासे केले जात आहेत. आतापर्यंत अनेक अभिनेत्रींनी त्यांच्यासोबत झालेल्या लैंगिक शोषणाचा खुुलासा करून खळबळ उडवून दिली आहे. याचा प्रभाव बॉलिवूडमध्येही बघावयास मिळत असून, गेल्या काही दिवसांपासून बॉलिवूड अभिनेत्रींकडून याबाबतचे धक्कादायक खुलासे केले जात आहेत. आता त्यामध्ये अभिनेत्री निम्रत कौर हिचेही नाव जोडले गेले आहे. तिने लैंगिक शोषणावर केलेल्या वक्तव्यामुळे इंडस्ट्रीत पुन्हा एकदा खळबळ निर्माण झाली आहे. 

बॉलिवूडचा पॅडमॅन अक्षयकुमार याच्यासोबत झळकलेल्या निम्रतला जेव्हा याविषयी विचारण्यात आले तेव्हा तिने बिनधास्तपणे बॉलिवूडमधील विदारक वास्तव सांगितले. निम्रतला विचारण्यात आले की, हॉलिवूडच्या अभिनेत्रींप्रमाणे बॉलिवूडच्या अभिनेत्री त्यांच्यासोबत झालेल्या लैंगिक शोषणाची वाच्यता करीत नाही, यामागचे कारण काय? तर निम्रतने म्हटले की, आपल्या देशात कुठल्याही महिलेला तिच्यासोबत झालेल्या अत्याचाराच्या घटनेला कायदेशीर पाठबळ मिळत नाही. त्यामुळे कदाचित या महिला यावर बोलत नाहीत. 

पुढे बोलताना निम्रतने म्हटले की, अशा घटनेतील पीडित महिलांना पाठबळ देणे आवश्यक असते. जेणेकरून त्या त्यांच्यासोबत घडलेल्या घटनेबद्दल निर्भिडपणे बोलू शकतील. बॉलिवूडमध्ये अशीच परिस्थिती असल्याने अभिनेत्री यावर वाच्यता करीत नसल्याचेही निम्रताने म्हटले. दरम्यान, हॉलिवूड इंडस्ट्रीमध्ये सध्या लैंगिक शोषणाचे प्रकार प्रचंड प्रमाणात समोर येत आहेत. आता याचा प्रभाव बॉलिवूडवरही स्पष्टपणे दिसून येत आहे. 

निम्रतविषयी सांगायचे झाल्यास, तिने ‘द लंचबॉक्स’ आणि अक्षयकुमारच्या ‘एअरलिफ्ट’मद्ये काम केले आहे. लवकरच ती एएलटी बालाजीच्या वेब सीरिजमध्ये बघावयास मिळणार आहे.