​#PariTrailer : घाबरणारी आणि घाबरवणारी ‘परी’! पाहा ट्रेलर!!

ब�

��लिवूड अभिनेत्री अनुष्का शर्मा हिचा आगामी सिनेमा ‘परी’चा ट्रेलर आज रिलीज झाला. याआधीचे ‘परी’चे तिन्ही टीजर पाहता, या चित्रपटाबद्दल लोकांमध्ये प्रचंड उत्सुकता दिसून येतेय. अशातच आज या चित्रपटाचा ट्रेलर रिलीज झाला. ट्रेलर बद्दल सांगायचे तर  भल्याभल्यांना घाम फुटावा, असाच ‘परी’चा ट्रेलर आहे. यात अनुष्का डबल रोलमध्ये आहे. तिचे रूप अंगावर काटा आणणारे आहे. आत्तापर्यंत आपण अनुष्काला कायम रोमॅन्टिक अंदाजात पाहिले आहे. तिला हॉरर रूपात पाहणे, एकदम नवा अनुभव  आहे.   कुणीतरी आपल्या जीवावर उठले असल्याचा भास सतत अनुष्काला होतो आणि यामुळे तिचा पती कमालीचा चिंतीत होतो, असे ट्रेलरमध्ये दाखवले गेले आहे. अर्थात या ट्रेलरवरून चित्रपटाच्या कथेबद्दल कुठलेही संकेत मिळत नाहीत. याआधी ‘फिल्लोरी’ या चित्रपटातही अनुष्का  भूताच्या भूमिकेत दिसली होती. पण ‘परी’मधील तिचा अंदाज ‘फिल्लोरी’पेक्षा पूर्णपणे वेगळा आहे. त्यामुळे या चित्रपटाबद्दल लोक कमालीचे उत्सूक आहेत. येत्या २ मार्चला होळीच्या मुहूर्तावर हा चित्रपट रिलीज होतो आहे.



ALSO SEE : ​ ‘परी’चा नवा टीजर आऊट! ‘आय लव्ह यूू’ म्हणत घाबरवणारी अनुष्का शर्मा एकदा पाहाच!!

तुम्हाला ठाऊक आहेच की, ‘परी’ हा अनुष्काच्या प्रॉडक्शन हाऊसचा तिसरा सिनेमा आहे. क्लीन स्लेट फिल्म्स या अनुष्काच्या प्रॉडक्शन हाऊसने आत्तापर्यंत ‘एन एच10’ आणि ‘फिल्लोरी’ अशा दोन चित्रपटांची निर्मिती केली आहे. २०१५ मध्ये रिलीज झालेला अनुष्काचा ‘एन एच10’ हा चित्रपट बºयापैकी यशस्वी ठरला होता.  समीक्षकांनी या चित्रपटाचा दाद दिली होती. यानंतर गतवर्षी आलेल्या ‘फिल्लोरी’ या चित्रपटात अनुष्का भूताच्याच पण विनोदी भूमिकेत दिसली होती. हा चित्रपट बॉक्सआॅफिसवर फार कमाल दाखवू शकला नव्हता पण यातील अनुष्काच्या अभिनयाचे कौतुक झाले होते. आता अनुष्काची निर्मिती असलेला ‘परी’ आपल्या भेटीस येतो आहे.गत डिसेंबर महिन्यात अनुष्काने क्रिकेटपटू विराट कोहलीसोबत लग्न केले होते. लग्नानंतरचा ‘परी’ हा अनुष्काचा पहिला चित्रपट असणार आहे.